00:16 19 օգոստոսի 2017
Ուղիղ եթեր
Հալեպ

Հալեպի հրթիռակոծության հետևանքով հայեր են զոհվել

© Sputnik/ Михаил Воскресенский
Աշխարհ
Ստանալ կարճ հղումը
530 0 0

Հալեպի հրթիռակոծության հետևանքով զոհված և վիրավորված հայերի անունները հայտնի են։

ԵՐԵՎԱՆ, 30 սեպտեմբերի — Sputnik. Հալեպի շտապ օգնության ծառայությունը հայտնել է քաղաքի հայաշատ Վիլլաներ թաղամասում ընկած հրթիռի հետևանքով զոհված և վիրավորված հայերի անունները: Այս մասին նշված է Հալեպի «Գանձասար» շաբաթաթերթի ֆեյսբուքյան էջում:

Հրթիռակոծման հետևանքով զոհվել են Արման Հինտոյանը և Ծիլա Ճապաղջուրյանը: Մյուս զոհը կին է, որի ինքնությունը չի հաջողվել պարզել: Զոհերի թվում է նաև Յասմիկ Կիրակոսյան-Պերեճիքլյանը, որի կյանքը հնարավոր չի եղել փրկել վիրահատությամբ:

Ծանր վիրավորվել են Գառնիկ Կարապետյանը, Միրեյ Հինտոյանը, Ծովիկ Գապիքյանը, որոնք այս պահին վիրահատության են ենթարկվում: Թեթև վիրավորվել են Պեթի Լախոյանը-Հինտոյանը, Մովսես Հինտոյանը, Նազար Զարմանյանը:

Սեպտեմբերի 30-ի առավոտյան ահաբեկիչները հրթիռակոծել են Հալեպի հայաշատ Նոր Գյուղ և Վիլլաներ թաղամասերը: Վիլլաներ թաղամասում հրթիռն ընկել է Սուրբ Աստվածածին եկեղեցու մոտ գտնվող բնակարաններից մեկի վրա:

Գլխավոր թեմաներ