10:24 21 օգոստոսի 2017
Ուղիղ եթեր
Թուրքիա

Ստամբուլում բախումներ են. կան վիրավորներ

© Karen Hovhannisyan
Աշխարհ
Ստանալ կարճ հղումը
81 0 0

Թուրքիայում և մասնավորապես Ստամբուլում իրավիճակը խիստ անկայուն է, սպասվում են լուրջ բախումներ: Ստամբուլի քրդաբնակ Քանարա թաղամասում քրդերը բարիկադներ են պատրաստել ուժայինների հարձակումներին դիմակայելու համար:

ԵՐԵՎԱՆ, 6 նոյեմբերի — Sputnik. Ստամբուլի քրդաբնակ Քանարա թաղամասում քրդերը բարիկադներ են պատրաստել` դիմակայելու ուժայինների հարձակումներին: Այս մասին Sputnik Արմենիայի հետ զրույցում հայտնեց թուրք-քրդական հակամարտությունների հարցերով փորձագետ Կարեն Հովհաննիսյանը, որը պարբերաբար տեղեկություններ է ստանում Թուրքիայում տիրող իրավիճակի մասին:

«Քիչ առաջ ես տեղեկություն ստացա, որ բախումներն արդեն սկսվել են, կան վիրավորներ, զոհերի մասին առայժմ ոչինչ չի հաղորդվում»,- ասաց Կարեն Հովհաննիսյանը: Մեր հարցին, թե ինչ ուժեր են կանգնած բարիկադների հակառակ կողմում, մեր զրուցակիցը պատասխանեց, որ հայտնի է միայն, որ դրանք ուժային կառույցներ են. հայտնի չէ՝ բանակային, թե ոստիկանական միավորումներ են:

«Իգդիրում ևս իրավիճակը շարունակում է լարված մնալ, հայտնի է, որ քրդերն անժամկետ գործադուլ են հայտարարել»,- ասաց Կարեն Հովհաննիսյանը` հավելելով, որ Իգդիրից տեղեկություններ գրեթե չեն ստացվում, քանի որ թուրքական իշխանությունները փակել են կապի և լրատվության գրեթե բոլոր միջոցները: Թուրքիայի արևելյան, քրդաբնակ նահանգներում փակ են բոլոր սոցիալական կայքերը, «Թուրքսել» ընկերությունը ևս դադարեցրել է բջջային կապի ծառայությունը այդ նահանգներում:

Ինչ վերաբերում է քուրդ պատգամավորների ձերբակալությունների մասին՝ ամբողջ օրվա ընթացքում հաղորդվող տեղեկություններին, մեր զրուցակիցը տեղեկացրեց, որ Շրնակ նահանգում ևս ձերբակալություններ են եղել, ձերբակալվածներից երկուսը նույնպես պատգամավորներ են` ազգությամբ քուրդ, քրդամետ ժողովրդադեմոկրատական կուսակցության անդամներ:

Акции протеста в Турции
Ստամբուլ

Գլխավոր թեմաներ