ԵՐԵՎԱՆ, 21 նոյեմբերի — Sputnik. ԱՄՆ ապագա առաջին տիկինն ամուսնու` Դոնալդ Թրամփի հետ Սպիտակ տուն չի տեղափոխվի, հայտնում են համաշխարհային ԶԼՄ-ները։ Թրամփն ԱՄՆ նախագահի պաշտոնը կստանձնի հունվարին՝ երդմնակալության արորղությունից հետո։
46-ամյա Մելանիան կմնա Նյու Յորքում 10-ամյա որդու Նարրոնի հետ` իրենց պենթհաուսում, որը նրանք զբաղեցնում են Մանհեթենի Trump Tower երկնաքերում։ Նման որոշում կայացվել է, որպեսզի որդին չփոխի դպրոցը։ Բարրոնը կշարունակի այցելել մասնավոր հեղինակավոր դպրոց, որտեղ սովորում է ներկա պահին։
«Մելանիան շատ է կապված տղայի հետ, նրանք ավելի մտերմացան նախընտրական քարոզարշավի ժամանակ։ Բարրոնի համար դա հեշտ շրջան չէր, այդ պատճառով էլ Մելանիան ցանկանում է նրա համար նվազագույնի հասցնել անհրամարությունները»,- մեջբերում են ԶԼՄ-ները Թրամփի թիմակիցներից մեկի խոսքերը։
Մեկ այլ աղբյուրի խոսքով` Մելանիան Սպիտակ տուն կայցելի, երբ լինի դրա անհրաժեշտությունը, սակայն հիմնական ուշադրությունը ցանկանում է կենտրոնացնել որդու վրա։ Աղբյուրը չի բացառել արձակուրդներին առաջին տիկնոջ և տղայի Վաշինգթոն տեղափոխվելու հավանականությունը։ Նյու Յորքում մնալու որոշումը հանգեցրել է նրան, որ ուժեղացվել է Trump Tower-ի անվտանգությունը։
«Այս շենքը կդառնա Նյու Յորքի Սպիտակ տունը», — հայտնել է ԱՄՆ ՊՆ Delta Force հատուկ ստորաբաժանման նախկին հրամանատար Ջիմ Ռիզը։
46-ամյա Մելանյան 70-ամյա Դոնալդ Թրամփի կինն է 2005 թվականից։ Նա քաղաքագետի երրորդ կինն է։ Բացի 10-ամյա Բարրոնից, Թրամփը ևս չորս երեխա ունի։ Նրա երկրորդ երեխա, որն ավագ դուստրն է՝ Իվանկան, ամուսնացած է մեդիամագնատ Ջարեդ Քուշների հետ։ Ջարեդ Քուշները Բելառուսից սերած հրեաների հետնորդներից է։
