13:24 19 օգոստոսի 2017
Ուղիղ եթեր
Բեռլինում տեղի ունեցած ահաբեկչության վայրը

Բեռլինի ահաբեկչության մեծ կասկածվող տղամարդուն սպանել են

© AP Photo/ Markus Schreiber
Աշխարհ
Ստանալ կարճ հղումը
15 0 0

Համացանցում հրապարակվել են Բեռլինում իրականացված ահաբեկչության մեջ կասկածվող տղամարդուն չեզոքացնելու լուսանկարները։

ԵՐԵՎԱՆ, 23 դեկտեմբերի — Sputnik. Corriere della Sera պարբերականը Թվիթերում հրապարակել է 24-ամյա թունիսցի Անիս Ամրիի չեզոքացման կադրերը։ Նշենք, որ տղամարդուն կասկածում էին Բեռլինում Ծննդյան տոների տոնավաճառում ահաբեկչություն իրականացնելու մեջ։

ԶԼՄ-ների տվյալով` թունիսցին կրակել է Միլանի ոստիկանների ուղղությամբ, երբ նրանից փաստաթղթեր են պահանջել։ Ամրիի արձակած կրակոցից ոստիկաններից մեկը վիրավորվել է, ինչից հետո նրան սպանել են պատասխան կրակոցով։

​Հիշեցնենք, որ երկուշաբթի երեկոյան Բեռլինում Ծննդյան տոների կապակցությամբ կազմակերպված տոնավաճառի ամենաթեժ պահին բեռնատարը մխրճվել էր բազմության մեջ։Ահաբեկչության հետևանքով մահացել է 12 մարդ, տարբեր աստիճանի վնասվածքներ ստացել` 48 հոգի։

Ահաբեկչության մեջ կասկածվող Անիս Ամրիի նկատմամբ պաշտոնական հետախուզում էր հայտարարվել Գերմանիայում և եվրոպական մյուս քաղաքներում։ Իրավապահ մարմինների տվյալով` Ամրին կապ է ունեցել արմատական իսլամիստների հետ։

Գլխավոր թեմաներ