07:33 27 հունիսի 2017
Ուղիղ եթեր
Ռեջեփ Թայիփ Էրդողան

Էրդողանի համար Թուրքիայի անվտանգությունը սկսվում է Հալեպից և Նախիջևանից

© Sputnik/ Рамиль Ситдиков
Աշխարհ
Ստանալ կարճ հղումը
8901

Թշնամիները փորձում են «թիկունքից դանակով հարվածել թուրք ժողովրդին», կարծում է Թուրքիայի նախագահ Ռեջեփ Թայիփ Էրդողանը:

ԵՐԵՎԱՆ, 6 հունվարի — Sputnik. Թուրքիայի անվտանգությունը սկսվում է պետության սահմաններից դուրս: Այդ մասին հայտարարել է Թուրքիայի առաջնորդ Ռեջեփ Թայիփ Էրդողանը, հաղորդում է TRT-ն:

«Թուրքիային փորձում են ծնկի բերել: Ահաբեկիչները բոլոր կողմերից հարձակվում են երկրի վրա: Թշնամիները փորձում են թիկունքից դանակով հարվածել թուրք ժողովրդին: Բայց դրա լավագույն պատասխանը թուրք ժողովրդի հերոսական տարեգրությունն է: Նման խաղերը չեն անցնի», — ասել է Էրդողանը մայրաքաղաքի «Կեչիորեն» մետրոպոլիտենի կայանի բացման ժամանակ:

Էրդողանը նշել է, որ այն ուժերը, որոնք չեն կարող բացահայտ կերպով մարտահրավեր նետել Թուրքիային, փորձում են գործել թիկունքից:

«Հետաքրքիր է, որ նրանք, ովքեր նախկինում առանց ամոթի մեղադրում էին Թուրքիային՝ ԴԱԻՇ-ի դեմ պայքարից հրաժարվելու մեջ, այսօր Անկարայից պահանջում են տարածաշրջանում դադարեցնել հակաահաբեկչական գործողությունները: Անկարային խորհուրդ են տալիս 20 կիլոմետրից ավել զորք չմտցնել Սիրիա: Սակայն ինչ էլ որ ասեն, մենք կշարունակենք գնալ մեր ճանապարհով», — ասել է Էրդողանը:

«Ահաբեկիչները երբեք չեն թաքցրել իրենց մտադրությունները: Արաբները, քրդերը, թուրքմենները և Սիրայում ու Իրաքում այլ ազգությունների ներկայացուցիչները կարող են դառնալ ահաբեկիչների խաղի զոհ: Ուզում եմ հայտարարել, որ Թուրքիան տարբերություն չի դնում տարածաշրջանի բնակիչների ազգային պատկանելության միջև, քանի որ նրանք բոլոր մեր եղբայրներն են»:

Նա նշել է, որ Թուրքիան ինքնուրույն է լուծում իր խնդիրները և պետք է արմատախիլ անի իր դեմ ուղղված բոլոր սպառնալիքները:

«Ոչ մի րոպե չի կարելի մոռանալ, որ Թուրքիայի անվտանգությունը սկսվում է ոչ թե Գազիանթեպ, Հաթայ, Կարս կամ Արդվին նահանգներից, այլ սիրիական Հալեպից և Իդլիբից, Կիպրոսից, Նախիջևանից, Բաթումից, Բալկաններից», — ասել է Էրդողանը:

Նյութի ռուսերեն տարբերակը

 

Գլխավոր թեմաներ