12:12 13 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84
Աշխարհ
Ստանալ կարճ հղումը
Ալեքսանդր Լապշին՝ հետադարձ հայացք Ադրբեջանին (28)
47411

Բլոգեր Ալեքսանդր Լապշինին փետրվարի 7-ին Մինսկից հանձնեցին Բաքվին։ Նրա կինը գրել է, որ շոկի մեջ է տեղի ունեցածի պատճառով։

ԵՐԵՎԱՆ, 8 փետրվարի — Sputnik. Ռուսաստանի և Իսրայելի քաղաքացի, բլոգեր Ալեքսանդր Լապշինի կինը՝ Եկատիրինան, մեկնաբանել է ամուսնու հանձնումը Ադրբեջանի իշխանությանը։

Ֆեյսբուքյան էջում Եկատիրինան գրել է, որ մինչ ընթանում էր դատավարությունը, Լապշինին արդեն նստացնում էին ինքնաթիռ։

Նա նշել է, որ Ռուսաստանի և Իսրայելի դեսպանատներում տեղյակ չեն եղել այդ մասին, չնայած, որ հավելյալ պաշտպանության համար դիմել են նրանց և ՄԱԿ-ի մարդու իրավունքի պաշտպանի գրասենյակին։

«Ոչ բարեկամներին, ոչ փաստաբաններին, ոչ դեսպաններին, ոչ ոքի չէին տեղեկացրել, թե ինչ է կատարվում իրականում։ Տեսեք, թե որքան պահապան կա։ Նույնիսկ Բեն Լադենին այդպես չէին տանի։ Չնայած՝ ճանապարհորդը, պարզվում է, ահաբեկչից վտանգավոր է»,- գրել է Լապշինի կինը։

ՌԻԱ Նովոստին հայտնում է, որ Բաքվի օդանավակայանում Լապշինին դիմավորել են լրագրողները, սաակյն նա ոչինչ չի մեկնաբանել։ Նրա տեսքն ընկճված է եղել։

ՌԴ և Իսրայելի քաղաքացի Ալեքսանդր Լապշինը, որը բնակվում է Մոսկվայում և վարում է հեղինակավոր Travel Blog-ը, ձերբակալվել էր 2016 թվականի դեկտեմբերի 15-ին Մինսկում: 2011 թվականի ապրիլին, 2012 թվականի հոկտեմբերին և 2016 թվականի հունիսին Լապշինն այցելել էր Լեռնային Ղարաբաղ և այդ մասին գրել իր բլոգում՝ քննադատելով Ադրբեջանի քաղաքականությունը, ինչի համար Ադրբեջանի իշխանությունները նրա նկատմամբ քրեական գործ էին հարուցել և հետախուզում հայտարարել՝ Ադրբեջանի պետական սահմանն անօրինական հատելու մեղադրանքով: Ադրբեջանը դիմել է Բելառուսին՝ Լապշինին արտահանձնելու պահանջով:

Русская версия

թեմա:
Ալեքսանդր Լապշին՝ հետադարձ հայացք Ադրբեջանին (28)

Գլխավոր թեմաներ