ԵՐԵՎԱՆ, 13 փետրվարի — Sputnik. Սևամորթ գեղեցկուհի Լոլա Չուիլը, որը 2016թ-ին է էջ բացել Instagram-ում, սոցիալական ցանցի և մոդելային գործակալությունների ուշադրությունը գրավել է իր անսովոր արտաքինով։
16-ամյա աղջիկն իրեն անվանել է The black Hannah Montana (Սև Հանա Մոնտանա), թեև ընդանուր ոչինչ չունի հայտնի երգչուհի Մայլի Սայրուսի հետ, որին այդպես են կոչել համանուն սերիալում խաղացած գլխավոր դերից հետո։
Լոլան ուշադրություն է գրավում ածխագույն մաշկով, շրթունքների, քթի և աչքերի ձևով, որոնք կարծես նկարած լինեն։
Արևմտյան ԶԼՄ-ներն աղջկան նոր անուն են տվել` «երկրորդ Նաոմի Քեմփբել», ինչպես նաև գրում են, որ մոդելային գործակալություններն ընկել են նրա հետևից: «Սև Հանա Մոնտանայի» էկզոտիկ արտաքինի վերաբերյալ կարծիքները հակասական են։ Աղջկա լուսանկարների տակ ոմանք գրում են, որ նա բնական գեղեցկություն ունի, մյուսներն էլ կասկածով նշում են, որ պլաստիկ վիրաբույժներն են միջամտել։
Կա նաև մեկ այլ վարկած` սա ոչ թե իրական աղջկա էջ է, այլ` գովազդային գործակալության PR-նախագիծ։
Լոլան ունի ընդամենը 15 լուսանկար և ավելի քան 330 հազար բաժանորդ։ Որքան էլ աղջիկն անիրական թվա, ԶԼՄ-ները գրում են, որ մոդելային գործակալություններն արդեն կարողացել են կապ հաստատել Instagram-ի աստղի հետ։
