ԵՐԵՎԱՆ, 6 մարտի — Sputnik. Լուսինե Քոչարյան. Սա այն հայուհին է, ում կատարումից Ջամալան արտասվեց։ Ուկրաինական 1+1 ալիքով հեռարձակվող «Ձայնը» (The Voice) հայտնի հեռուստաշոուի 7-րդ եթերաշրջանի «կույր լսումներին» մասնակցած հայուհին իր զգացմունքային կատարմամբ գրավեց ժյուրիի ու հանդիսատեսի սրտերը:
Լուսինե Քոչարյանը դուդուկի կենդանի նվագակցությամբ կատարել է «Սարերի հովին մեռնեմ» հայկական ժողովրդական երգը:
Կատարման առաջին իսկ րոպեին ժյուրիի անդամ Թինա Կարոլն` «անասելի տաղանդավոր է» որակմամբ սեղմեց կոճակն ու պտտվեց։ Ջամալան շարունակում էր վայելել կատարումը` արտասուքն աչքերին։
Արդյունքում ժյուրիի 4 անդամներից Լուսինեն ընտրել է Ջամալայի՝ «Եվրատեսիլ-2016» միջազգային երգի մրցույթի հաղթողի թիմը:
Ի դեպ, 15 տարուց ավել Կիևում բնակվող Լուսինե Քոչարյանը մասնակցել է նաև հայկական «The Voice» նախագծին։
