17:28 19 սեպտեմբերի 2017
Ուղիղ եթեր
Դոնալդ Թրամփ

Թրամփն արդարացրել է Սիրիայի ռազմաբազայի վրա հարձակումը

Jewel SAMAD / AFP
Աշխարհ
Ստանալ կարճ հղումը
3601

Իդլիբում սիրիացի զինվորականների կողմից քիմիական զենքի կիրառմանն ի պատասխան Միացյալ Նահանգները երեկ երեկոյան թևավոր հրթիռներով հարվածել է Սիրիայի արևմտյան Հոմս նահանգում գտնվող կառավարական ուժերի ռազմաբազային։

ԵՐԵՎԱՆ, 7 ապրիլի — Sputnik. ԱՄՆ-ն արձակել է «Տոմահավկ» տեսակի 59 հրթիռ «Շայրաթ» ռազմաբազայի ուղղությամբ։

The Guardian-ը հաղորդում է, որ ԱՄՆ նախագահ Դոնալդ Թրամփը, մեկնաբանելով Սիրիայի տարածքում իրականացված հրթիռային հարձակումը, նշել է, որ «դա բխում էր ԱՄՆ ազգային անվտանգության կենսական շահերից»։

«Բռնապետ Բաշար ալ Ասադը սարսափելի քիմիական հարձակում է իրականացրել անմեղ մարդկանց դեմ: Դա դանդաղ ու դաժան մահ էր նրանցից շատերի համար: Այս գիշեր ես կարգադրել եմ ռազմական հարձակում իրականացնել սիրիական այն ավիաբազայի վրա, որից իրականացվել էր քիմիական հարձակումը: Սա բխում է ԱՄՆ ազգային անվտանգության կենսական շահերից ու նպատակ է հետապնդում կանխել ապագայում քիմիական զենքի կիրառման դեպքերը»,-ասել է ԱՄՆ նախագահն ամերիկացիներին ուղղված ելույթում:

Պենտագոնի պաշտոնական ներկայացուցիչ Ջեֆ Դևիսը հայտարարել է, որ իրենք չեն հարվածել այն հատվածներին, որտեղ, ենթադրաբար, գտնվել են ռուս զինվորականները:

Հոմսի նահանգապետ Թալալ Բարազին հայտարարել է, որ թիրախում հայտնված ավիաբազան օգտագործվում էր Սիրիայի կառավարական բանակի կողմից «Իսլամական պետություն» ահաբեկչական խմբավորման դեմ պայքարի շրջանակում:

Գլխավոր թեմաներ