22:32 22 օգոստոսի 2017
Ուղիղ եթեր
Էրդողան

Էրդողանը ուղերձ է հղել հայերին ապրիլի 24-ի կապակցությամբ

© Sputnik/ Алексей Никольский
Աշխարհ
Ստանալ կարճ հղումը
24010

Թուրքիայի նախագահ Ռեջեփ Թայիփ Էրդողանն իր ուղերձում նշել է, որ հայ ժողովուրդը Օսմանյան պետության և Թուրքիայի հանրապետության ժամանակաշրջանում մեծ ներդրում է ունեցել երկրի զարգացման գործում։

ԵՐԵՎԱՆ, 24 ապրիլի — Sputnik. Թուրքիայի նախագահ Ռեջեփ Թայիփ Էրդողանը հիշել է հայերի համար ողբերգական ամսաթվի` ապրիլի 24-ի մասին, սակայն չի ճանաչել թուրքերի իրականացրած ցեղասպանության փաստը։

Երկուշաբթի նա ուղերձ է հղել Պոլսո Հայոց պատրիարքի փոխանորդ Արամ Աթեշյանին։ Այդ մասին հայտնում է ՌԻԱ Նովոստին` հղում անելով Էրդողանի մամուլի քարտուղար Իբրահիմ Կալինին։
«1915 թվականը մենք ընկալել ենք համընդհանուր ցավի և պատմական արդարության տեսանկյունից», — ասել է Կալինը։ Նա հայտնել է, որ Էրդողանի ուղերձի տեքստը Աթեշյանն ընթերցել է հավատացյալներին։

Տեքստում գրված էր, որ «թուրքերն ու հայերը երկու ժողովուրդներ են, որոնք հին ժամանակներից ի վեր բնակվել են տարածաշրջանում, հազարամյակներ շարունակ ապրել կողք կողքի, ունեցել ընդհանուր մշակույթ և պատմություն»։

«Հայ ժողովուրդը Օսմանյան պետության և Թուրքիայի հանրապետության ժամանակաշրջանում մեծ ներդրում է ունեցել երկրի զարգացման մեջ։ Հայերն այսօր, ինչպեսև երեկ, այս երկրի լիիրավ և ազատ քաղաքացիներ են, կարևոր դեր են խաղում Թուրքիայի սոցիալական, քաղաքական և տնտեսական կյանքում»,- գրված է Էրդողանի ուղերձում։

1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։

Հայոց ցեղասպանությունն առաջինը ճանաչել է Ուրուգվայը՝ 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ 52 նահանգից 45-ը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։

Русская версия

Գլխավոր թեմաներ

  • Ծովակալ Իսակով

    …1941 թվականին Շլիսելբուրգի մերձակայքում նա կորցրեց ձախ ականջի լսողությունը, իսկ մեկ տարի անց Սոչիում անդամահատեցին նրա ոտքը` ազդրին հասցված բեկորային վիրավորման հետևանքով առաջացած փտախտի պատճառով։ Վիրահատությունից հետո երկու ժամ չէր շոշափվում զարկերակը, սակայն նա ողջ մնաց։

    4
  • Ծրագրավորող

    Հայաստանը, Բելառուսը, Մոլդովան, Ռուսաստանն ու Ուկրաինան աշխարհի ամենամեծ ՏՏ–շուկան են ձևավորել, որում ընդգրկված է 15 հազար մասնագետ և երկու հազար ընկերություն։ Այս եզրակացությանն են հանգել Yalantis ընկերության մասնագետները։

    12
  • Ատենախոսություն

    Հայաստանը գիտական գրագողությունների բացահայտմամբ նախկին ԽՍՀՄ–ում առաջին տեղում է։ Բացահայտվում են ոչ միայն Հայաստանում ու հայերենով, այլև արտերկրում այլ լեզուներով կատարված գրագողությունները, Sputnik Արմենիային հայտնեցին Բարձրագույն որակավորման հանձնաժողովից։

    32