ԵՐԵՎԱՆ, 12 մայիսի — Sputnik. Մեկ տարվա ընթացքում նախատեսվում է ընդհանուր տվյալների բազա ստեղծել այն ահաբեկիչների վերաբերյալ, որոնք պատժվել են ԱՊՀ երկրներում։ Այս մասին Մինսկում լրագրողներին հայտնել է Ռուսաստանի Պատիժների իրականացման դաշնային ծառայության փոխտնօրեն Վալերի Մաքսիմենկոն ԱՊՀ երկրների քրեակատարողական ծառայությունների ղեկավարների ղեկավարների խորհրդի նիստից առաջ. տեղեկացնում է Sputnik Բելառուսը։
«Խորհրդի կարևորագույն նախագծերից է ահաբեկիչների, ծայրահեղականների վերաբերյալ ընդհանուր տեղեկատվական բազաների ստեղծումը, որպեսզի նրանք չկարողանան բանտերից դուրս գալուց հետո հանգիստ հատել երկրների սահմանները և ծայրահեղական նոր գործունեություն ծավալել», — ասաց Մաքսիմենկոն։
Եվրոպայում իրավիճակը փոխվել է, ահաբեկչության և ծայրահեղության դրսևորումներ գրանցվում են ԱՊՀ որոշ երկրներում։
«Շատ երկրներ են բախվել այդ երևույթին։ 20 տարի առաջ ՌԴ-ում իրադարձություններ տեղի ունեցան, որոնք ահաբեկչությունների հանգեցին։ Այժմ այդ մարդիկ իրենց պատիժն են կրում։ ԱՊՀ երկրներում նույնպես կան ահաբեկիչներ։ Ինչպե՞ս նրանց հետ աշխատել, ինչպիսի՞ գործունեություն ծավալել, որպեսզի հակազդենք ծայրահեղականությանը։ Որպեսզի այդ մարդիկ այլևս վտանգ չներկայացնեն մեր հասարակության, շարքային քաղաքացիների համար», —ասաց Մաքսիմենկոն։
Ընդհանուր տվյալների բազայի նպատակն է նվազագույնի հասցնել վտանգը։
