04:27 20 օգոստոսի 2017
Ուղիղ եթեր
ШтабՄԻԵԴ

ՄԻԵԴ–ը որոշել է` Հայաստանը 3600 եվրո կվճարի «Նիկողոսյանն ընդդեմ Հայաստանի» գործով

© AFP 2015/ FREDERICK FLORIN
Աշխարհ
Ստանալ կարճ հղումը
15 0 0

Մարդու իրավունքների եվրոպական դատարանը հրապարակել է «Նիկողոսյանն ընդդեմ Հայաստանի» գործով վճիռը: Այդ վճռով ՄԻԵԴ–ը Հայաստանին պարտավորեցնում է 3.600 եվրո վճարել ՝ որպես ոչ նյութական վնասի փոխհատուցում:

ԵՐԵՎԱՆ, 19 մայիսի — Sputnik. Մարդու իրավունքների և հիմնարար ազատությունների պաշտպանության մասին կոնվենցիայի 34-րդ հոդվածի հիման վրա, 2011 թվականի դեկտեմբերի 3-ին Հայաստանի Հանրապետության դեմ բողոք է ներկայացրել Ռոբերտ Նիկողոսյանը:

Հայցվորը Պետեկամուտների կոմիտեի նախկին աշխատակից է: 2009 թվականին նա ազատվել է աշխատանքից: Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը նրա օգտին վճիռ է կայացրել և աշխատանքից ազատման որոշումն անվավեր ճանաչել, ինչպես նաև հրահանգել վերականգնել նրան նախկին պաշտոնում և փոխհատուցում տրամադրել:

Հայցվորը ՄԻԵԴ-ում, մասնավորապես բողոքել է, որ համապատասխան քայլեր չեն ձեռնարկվել դատարանի վերջնական վճիռը կյանքի կոչելու համար, քանի որ նա չի վերականգնվել իր նախկին պաշտոնին, իսկ իր հարկադիր բացակայության համար սահմանված փոխհատուցման մի մասը մնացել է չվճարված: Նիկողոսյանը, մասնավորապես, պահանջում էր 10 մլն 506 հազ 871 դրամի համապատասխան փոխհատուցում:

Իր վճռում ՄԻԵԴ-ը նշել է, որ 2009 թվականի օգոստոսի 11-ի դատավճիռը, որը բարենպաստ էր հայցվորի համար, հինգ տարի չի կիրառվել, իսկ իշխանությունները չեն պատճառաբանել այդ հետաձգումը: Դատարանը, հետևաբար, գտել է, որ Հայաստանի իշխանությունները, չկարողանալով ձեռնարկել անհրաժեշտ միջոցները վճիռն իրագործելու համար, խախտել են կոնվենցիայի հոդվածները:

Դատարանը մերժել է հայցվորի պահանջը նյութական վնասի փոխհատուցման վերաբերյալ՝ նշելով, որ նյութական վնասի փոխհատուցման անհրաժեշտություն չկա, քանի որ այն արդեն մասամբ վճարվել է հայցվորին:

Դատարանը վճռել է, որ խախտվել է արդար դատաքննությանն առնչվող Մարդու իրավունքների եվրոպական կոնվենցիայի 6-րդ հոդվածի 1-ին կետը և սեփական գույքից անարգել օգտվելու իրավունքին առնչվող 1-ին արձանագրության 1-ին հոդվածը:

Այսպիսով` Մարդու իրավունքների եվրոպական դատարանը Հայաստանին պարտավորեցրել է հայցվորին վճարել 3.600 եվրո՝ որպես ոչ նյութական վնասի փոխհատուցում:

 

Գլխավոր թեմաներ

  • Անտոն Մելնիկով

    Եկատերինբուրգի բնակիչ Անտոն Մելնիկովը Հայաստանի ու հայկական մշակույթի մեծագույն երկրպագուներից է։ Այս տարի նա առաջին անգամ է եկել մեր երկիր և եղել այն վայրերում, որոնց մասին միայն գրքերում էր կարդացել։ Անտոնը հայերեն է սովորում ու ծրագրում է տեղափոխվել Երևան։

    17
  • ԵՐԵՎԱՆՈՒՄ ԿԱՅԱՑԱՎ ԳԱՐԵՋՐԻ ՉՈՐՐՈՐԴ ՓԱՌԱՏՈՆԸ

    Երևանի կենտրոնում այսօր մարդիկ շրջում են ալկոհոլային խմիչքով լցված բաժակներով։ Հայաստանի մայրաքաղաքում գարեջրի տոն է։

    32
  • Սոնա Շահգելդյանի շունը

    Կենդանիների իրավունքների պաշտպանների և կենդանասերների նախաձեռնությամբ 15 տարի առաջ օրացույցի վրա օգոստոսի 19-ն ամրագրվեց որպես «Անօթևան կենդանիների միջազգային օր»: Երգչուհի Սոնա Շահգելդյանը և դերասանուհի Տաթև Հովակիմյանը պատմում են իրենց չորքոտանի ընկերների, ինչպես նաև անօթևան կենդանիների հանդեպ հասարակական վերաբերմունքի մասին:

    25