19:55 29 հունիսի 2017
Ուղիղ եթեր
Քրիս Քորնելն ընտանիքի հետ

Սերժ Թանկյանը ցավում է ընկերոջ մահվան համար, որը չպահեց խոստումը...

© AFP 2015/ Nicholas Hunt / GETTY IMAGES NORTH AMERICA
Աշխարհ
Ստանալ կարճ հղումը
4120

Քրիս Քորնելի ֆեյսբուքյան էջի վերջին հրապարակումը «Խոստում» ֆիլմի համանուն երգն է։

ԵՐԵՎԱՆ, 19 մայիսի — Sputnik. Աշխարհահռչակ ռոք երգիչ, երգահան Սերժ Թանկյանը Ֆեյսբուք սոցիալական ցանցում լուսանկար է հրապարակել Soundgarden խմբի երգիչ Քրիս Քորնելի հետ և նրա մահվան հետ կապված ցավակցություն հայտնել։

«Մենք խիստ ցնցված ու վշտացած ենք մեր ընկեր Քրիս Քորնելի մահվան բոթից։ Մի քանի շաբաթ առաջ ես նստած էի կողքիդ՝ խոսելով երաժշտության, կյանքի, երեխաների մասին։ Քո կյանքն ու երաժշտությունն անջնջելի հետք են թողել իմ կյանքի ու երաժշտության վրա, ի՛մ եղբայր։ Քեզ կարելի է բնութագրել որպես մեծահոգի մարդ։ Բարի ճանապարհ։ Մեր խորին ու անկեղծ ցավակցությունները Վիկիին և երեխաներին»,- գրել է Թանկյանը և Քորնելի հետ լուսանկար է հրապարակել։

Ավելի վաղ հաղորդվել էր, որ Քորնելը մահացել է MGM Grand Detroit հյուրանոցում: Նրա դին հայտնաբերվել էր լոգասենյակի հատակին։ Հայտնի երաժիշտ Քրիս Քորնելը «Խոստում» ֆիլմի սաունդթրեքի հեղինակն է:

Գլխավոր թեմաներ