Sputnik Արմենիայի սյունակագիր Սերգեյ Բաբլումյանը սեփական աչքերով է կարողացել գնահատել ներկայացման շլացուցիչ գեղեցկությունն ու անվտանգության այն բոլոր միջոցները, որոնք գործի էին դրվել մահացու դեպքերը բացառելու համար:
Հրավիրում ենք բոլոր նրանց ուշադրությունը, ովքեր ցանկացած արգելքի տակ մարդու իրավունքների խախտում են տեսնում:
Հեղինակն այլևս ոչինչ չի մեկնաբանի, պարզապես կթվարկի ձեռնարկած միջոցներն ու արգելքները: Իսկ հետևությունները կթողնի ընթերցողին:
Եվ այսպես: Հրավառությունն արգելվում է դիտել Մաքարթուր կամրջից: Արգելվում է նախապես վրաններ տեղադրել: Մինչև ցերեկվա ժամը երկուսն արգելվում է մուտք գործել կղզի:
Երբ բոլոր տեղերը զբաղված լինեն, հրապարակ տանող մուտքը փակ կլինի: Հրապարակի տարածքից դուրս գալու դեպքում ձեզ այլևս ներս չեն թողնի:
Արգելվում է ոգելից խմիչքներ, անօդաչու թռչող սարքեր, տնային կենդանի կամ մաքսանենգ ապրանք (զենք, դանակներ և այլն) բերել:
Արգելված է խարույկ, կրակ վառել, կերակուր պատրաստել: Ջրի տարաներն ու պայուսակները ստուգվելու են:
Ավտոմեքենայով եկողները պետք է ներկայացնեն հատուկ անձնագիր, որը կարող են ձեռք բերել մուտքի մոտ 11 դոլարով:
3000 ավտոմեքենայից հետո մուտքը փակվելու է:
Ոգելից խմիչքները, ճայթուկներն արգելվում են:
Վրաններն ու ծածկերը չպետք գերազանցեն 10x10 ֆուտը, մեկ խումբը կարող է ունենալ երկու վրան:
Քաղաքում երեկոյան ժամը 8-ից մինչև առավոտյան ժամը 6-ը պարետային ժամ է սահմանվելու անչափահասների համար:
Անչափահասները կարող են դիտել հրավառությունը ցանկացած թույլատրված հասարակական հրապարակից: Սակայն պարետային ժամի ընթացքում անչափահասներին պետք է ուղեկցեն ծնողները, օրինական խնամակալները կամ մեկ այլ պատասխանատու մեծահասակ (21 տարեկանից բարձր):
Անչափահասներըին թույլատրվում է գնալ աշխատանքի, դպրոց, եկեղեցի կամ այլ կազմակերպած միջոցառուման և վերադառնալ:
Հեղինակի կողմից. Միչիգան նահանգի հրավառության ժամանակ մարդկանց պակաս չկար, և բոլորն էլ վստահաբար մեծ բավականություն ստացան:
