12:26 22 օգոստոսի 2019
Ուղիղ եթեր
  • USD475.94
  • GBP576.98
  • EUR528.10
  • RUB7.20
Ալբերտ Էնշտեյն

Ալբերտ Էյնշտեյնի հանճարեղության գաղտնիքը

© AP Photo /
Աշխարհ
Ստանալ կարճ հղումը
20601

Sputnik Արմենիան ներկայացնում է Ամալյա Պապյանի «Պարադոքս» նախագիծը, որի առաջին հրապարակումը նվիրված է տաղանդավոր ֆիզիկոս Ալբերտ Էյնշտեյնին:

20-րդ դարի ամենատաղանդավոր ֆիզիկոսի՝ Ալբերտ Էյնշտեյնի հանճարը պայմանավորված է նրա ուղեղի բացառիկ կառուցվածքով, երկարատև հետազոտությունների արդյունքում այս կարծիքին են հանգել ամերիկացի գիտնականները։

Նրանք Էյնշտեյնի ուղեղը համեմատել են 85 սովորական մահկանացուների ուղեղների հետ պարզելու համար, թե արդյո՞ք այն որևէ կերպ տարբերվում է մյուսներից։

Թեև ֆիզիկոսի ուղեղի չափն ու ասիմետրիկ ձևը համապատասխանում են նորմերին, սակայն նրա ուղեղի նախաճակատային, գագաթային, քունքային և մի շարք այլ հատվածներն արտասովոր կառուցվածք ունեն։

«Հենց այս հանգամանքով էլ կարելի է բացատրել Էյնշտեյնի տեսատարածական և մաթեմատիկական բացառիկ ունակությունները»,- նշել է հետազոտությանը մասնակցած գիտնական Դեն Ֆալկը։

Էյնշտեյնը մահացել է 1955թ —ին 76 տարեկան հասակում, որովայնային աորտան պայթելու հետևանքով: Թոմաս Հարվի անունով պաթոլոգոանատոմը, որը կատարել է դիահերձումը, հանճարի ուղեղը պահել է իր մոտ, ինչը հարուցել է մահացած գիտնականի հարազատների զայրույթը: Պաթոլոգոանատոմը գիտնականի ուղեղի ծալքերն ուղարկել է ԱՄՆ տարբեր գիտնականների, որպեսզի պարզեն, թե արդյոք այն ինչ-որ կերպ տարբերվում է սովորական մարդու ուղեղից: Այսպես ուղեղի ծալքերի մի մասը հայտնվել է դոկտոր Ռորկ-Էդամսի մոտ, որն էլ որոշել է դրանք վաճառել Մյութերի անվան թանգարանին:

Альберт Эйнштейн
© AP Photo /
Ալբերտ Էյնշտեյն

Ալբերտ Էնշտեյնի ուղեղը բաժանվել է մոտ 240 հատվածի, որոնցից մի քանիսը ցուցադրվել է Մեծ Բրիտանիայում հայտնի Wellcome ֆոնդին պատկանող պատկերասրահում (մասնագիտացած է բժշկության ոլորտում նորագույն հետազոտությունների ֆինանսավորման գործում)։

Ուշագրավ է, որ հանճարեղ ուղեղի կողքին տեղադրվել է ամերիկացի հանցագործ և սերիական մարդասպան Էդվարդ Ռուլոֆի ուղեղը, որը գիտնականների արձանագրած ամենամեծ ուղեղն է:

Գլխավոր թեմաներ