ԵՐԵՎԱՆ, 10 օգոստոսի – Sputnik. Կադիրովն Instagram–ի իր էջում հրապարակել է մի տեսանյութ, որտեղ ներկայացվում են այն ռուս երեխաները, որոնց ծնողները միացել են «Իսլամական պետությանը»։ Ծնողները երեխաներին տարել են Ռուսաստանից, իսկ Մոսուլի ազատագրումից հետո լքել նրանց, հաղորդում է ՌԻԱ Նովոստին։
Կադիրովը հույս է հայտնել, որ երեխաների հարազատները, տեսնելով նրանց այս տեսանյութում, կճանաչեն և կդիմեն հատուկ նշված հասցեով։
«RT հեռուստաալիքի ղեկավար Մարգարիտա Սիմոնյանի խնդրանքով ձեր ուշադրությանն եմ ներկայացնում այս տեսանյութը։ Այն նկարահանվել է Բաղդադի մանկատներից մեկում։ Երեխաները ռուսերեն են խոսում։ Նրանք ծնողներ չունեն։ Գուցե ինչ-որ մեկը ճանաչի նրանց…Եթե ճանաչեցիք երեխաներին կամ նրանց մասին ինչ-որ ինֆորմացիայի եք տիրապետում, գրեք HYPERLINK "mailto:children@rttv.ru" children@rttv.ruհասցեով»,–գրել է նա։
Ավելի վաղ Կադիրովը հայտարարել էր, որ Իրաքի մանկատներում ՌԴ և ԱՊՀ երկրների քաղաքացի մոտ 300 երեխա կա։ ՌԴ երեխաների իրավունքների պաշտպանության լիազոր մարմնի ներկայացուցիչ Աննա Կուզնեցովայի տվյալներով` Մերձավոր Արևելքի երկրների մանկատներում նման 400 երեխա կա։
