13:13 19 օգոստոսի 2017
Ուղիղ եթեր
Հուրգադա

Եգիպտոսում վիրավորված հայուհին տեղափոխվել է հիվանդասենյակ

© Sputnik/ Юрий Сомов
Աշխարհ
Ստանալ կարճ հղումը
54 0 0

Հուրգադայում վիրավորում ստացած հայ կնոջ վիճակը բարելավվել է։ Այս մասին առողջապահության նախարարին զեկուցել է Եգիպտոսից վերադարձած «Էրեբունի» բժշկական կենտրոնի ընդհանուր և կրծքային վիրաբուժության կլինիկայի ղեկավար, պրոֆեսոր Արտակ Հովհաննիսյանը։

ԵՐԵՎԱՆ, 10 օգոստոսի — Sputnik. Հուլիսի 14-ին, Հուրգադայում հրազենային վիրավորում ստացած 46-ամյա հայ կնոջ վիճակն այս պահին գնահատվում է կայուն ծանր։ Այս մասին առողջապահության նախարարին հայտնել է Հայաստանից Կահիրե գործուղված պրոֆեսոր Արտակ Հովհաննիսյանը։ Նա ասել է, որ կատարված 3 վիրահատություններից հետո կնոջ վիճակը բարելավվել է։

Ստացած վիրավորումների հետևանքով վնասվել են լյարդը, ստոծանին, անոթները, պլևրալ խոռոչներում առաջացել են արյան կուտակումներ։

Հայ վիրաբույժը եգիպտացի տարբեր մասնագետների հետ իրականացրել է երեք կոնսիլիում, նշանակվել են լրացուցիչ հետազոտություններ։

«Հիվանդի մոտ առկա են շնչառական անբավարարության որոշակի խնդիրներ, քանի որ պլևրալ 2 խոռոչում կային հեղուկային կուտակումներ և վիրավորման հետևանքով  կայացած արյունահոսության ֆոնի վրա  որոշակի արյան մակարդուկներ` ձախ պլևրալ խոռոչում։ Ենթալյարդային տեղակայմամբ դրենաժային խողովակից մեկ օրվա ընթացքում կուտակվել էր 450-500մլ լեղային արտադրություն»,-ներկայացրել է պրոֆեսորը` հավելելով, որ կինն ինտենսիվ թերապիայի բաժանմունքից տեղափոխվել է հիվանդասենյակ։

Բժշկի խոսքով հիվանդի Հայաստան տեղափոխման հարցը կքննարկվի նրա վիճակի հետագա որոշակի բարելավումից հետո։

Գլխավոր թեմաներ