18:14 19 հոկտեմբերի 2017
Ուղիղ եթեր
Սպիտակցի Հայկո

Սուպեր Սաքոյի և Սպիտակցի Հայկոյի «Մի գնա» երգը թուրքերին ստիպել է երգել հայերեն

© AMAYAK VIDEO PRODUCTION
Աշխարհ
Ստանալ կարճ հղումը
288022

Մեր հանրությանը քաջ հայտնի երգիչ Սպիտակցի Հայկոյի երգը հիթ է դարձել հարևան Թուրքիայում:

ԵՐԵՎԱՆ, 12 օգոստոսի – Sputnik. Դեռևս 2016թ. ձայնագրած Սուպեր Սաքոյի և Սպիտակցի Հայկոյի «Մի գնա» երգը թուրքերին ստիպել է երգել հայերեն: Այն այնքան է դուր եկել թուրքերին և, մասնավորապես, Ստամբուլի բնակիչներին, որ շատերը Սպիտակցի Հայկոյի կատարմանը ձայնակցելով բազմաթիվ սիրողական նկարահանումներ է ներբեռնել համացանց:

Ավելին` «Մի գնա» երգը` հայերեն խոսքով հեռարձակվում է թուրքական ռադիոկայաններով:  Հատկանշական է, որ թուրք աստղերը երգում են հայերեն և պորտապար պարում Հայկոյի երգի ներքո, ինչը բազմաթիվ քննարկումների ու քննադատությունների առիթ է դարձել ոչ միայն Թուրքիայում, այլ նաև Ադրբեջանում:

Ինչն է գերել «Մի գնա» երգում մեր հարևաններին` միանշանակ ասել դժվար է, սակայն ենթադրել կարելի է։ Հավանաբար, հոգեհարազատ «կլկլոցը», մի բան ինչը թուրքերը համարում են իրենց մենաշնորհը:  Ինչևէ, անկախ նրանից, թե երաժշտական ինչ ճաշակի կրող եք, համաձայնեք, որ երևույթը հաճելի է:

Սպիտակցի Հայկոյի`Թուրքիայում  և ոչ միայն այնտեղ, հաղթարշավի արդյունքում «Մի գնա» երգը You Tube 75 միլիոն դիտում է հավաքել:

Գլխավոր թեմաներ