ԵՐԵՎԱՆ, 22 օգոստոսի — Sputnik. Իտալական Նեապոլ քաղաքից ոչ հեռու գտնվող Իսկյա հրաբխային կղզում ուժեղ երկրաշարժ է տեղի ունեցել։ Այս մասին հաղորդում է ՌԻԱ Նովոստին։
Ըստ նախնական տեղեկությունների` երկրաշարժի հետևանքով զոհվել է 2 կին, 26 մարդ վնասվածքներ է ստացել։
Աղբյուրի վկայությամբ` բազմաթիվ զբոսաշրջիկներ, որոնք հանգստանում էին այդ կղզում, արագ տեմպերով լքում են իրենց հանգստավայրը։
Ռիխտերի սանդղակով 3.6 մագնիտուդ ուժգնությամբ երկրաշարժի հետևանքով փլուզվել են բազմաթիվ շինություններ՝ այդ թվում նաև եկեղեցի: Հայտնի է, որ երկրաշարժի պատճառով տարհանվել է կղզու հիվանդանոցը:
Իսկյա իտալական կղզու բնակչությունը մոտ 40 հազար է, իսկ օգոստոսյանի այս զբոսաշրջային սեզոնին կղզում գտնվողների թիվը կազմում է մոտ 250 հազար։
