17:28 19 սեպտեմբերի 2017
Ուղիղ եթեր
Air France-ի ինքնաթիռ

Ֆրանսիացի լրագրողին ազատ են արձակել Էրդողանի միջամտությունից հետո

© Sputnik/ Наталья Селиверстова
Աշխարհ
Ստանալ կարճ հղումը
55 0 0

Ֆրանսիացի լրագրող Լու Բյուրոյին ազատ արձակելը հնարավոր է դարձել Ֆրանսիայի արտգործնախարար Ժան Իվ Լը Դրիանի և Թուրքիայի նախագահ Ռեջեփ Թայիփ Էրդողանի բանակցություններից հետո:

ԵՐԵՎԱՆ, 17 սեպտեմբերի — Sputnik. Հուլիսի վերջին ձերբակալված ֆրանսիացի լրագրող Լու Բյուրոն վերադարձել է հայրենիք։ Այս մասին հայտնում է ՌԻԱ Նովոստին:

Ֆրանսիացի լրագրող Լու Բյուրոյի գործում որոշիչ դեր են ունեցել Ֆրանսիայի արտգործնախարար Ժան Իվ Լը Դրիանի և Թուրքիայի նախագահ Ռեջեփ Թայիփ Էրդողանի բանակցությունները: Twitter-ի իր էջում նման ենթադրություն է արել «Լրագրողներ առանց սահմանների» կազմակերպության գլխավոր քարտուղար Քրիստոֆ Դելուարը:

«Ստամբուլից ուղևորված Air France ավիաընկերության ինքնաթիռը, որում եղել է Լու Բյուրոն, վայրէջք է կատարել Ռուասի Շառլ դը Գոլ օդանավակայանում», — գրել է նա:

​Դելուարը նշել է, որ լրագրողին, բացի հարազատներից, դիմավորել է նաև Ֆրանսիայի մշակույթի նախարար Ֆրանսուազ Նիսենը։

«Այս պահին Լու Բյուրոն հեռախոսով զրուցում է Էմանուել Մակրոնի հետ (Ֆրանսիայի նախագահ)։ Օդանավում են մշակույթի նախարար Ֆրանսուազ Նիսենը, Լուի մայրը, հայրը, հորաքույրը», — գրել է Դելուարը։

TV5 Monde-ի, Arte-ի և Slate-ի հետ համագործակցող ֆրանսիացի անկախ լրագրող Լու Բյուրոն ձերբակալվել էր հուլիսի 26-ին Իրաքի և Թուրքիայի սահմանին:

Գլխավոր թեմաներ