14:31 18 նոյեմբերի 2017
Ուղիղ եթեր
Միխեիլ Սահակաշվիլի

Սահակաշվիլին մտադիր է երեք հիմնական պահանջ ներկայացնել Կիևին

© Sputnik/ Стрингер
Աշխարհ
Ստանալ կարճ հղումը
40 0 0

Միխեիլ Սահակաշվիլին հոկտեմբերի կեսերին անցկացվող ցույցի ժամանակ պատրաստվում է երեք պահանջ ներկայացնել Ուկրաինայի իշխանությանը։

ԵՐԵՎԱՆ, 17 սեպտեմբերի — Sputnik. Օդեսայի նախկին նահանգապետ և Վրաստանի նախկին նախագահ Միխեիլ Սահակաշվիլին մտադիր է Կիևում հոկտեմբերի 17-ին ցույց անցկացնել, որի ժամանակ Ուկրաինայի իշխանությանը մի շարք պահանջներ է ներկայացնելու, հայտնում է ՌԻԱ Նովոստին։

Այդ մասին Սահակաշվիլին գրել է Facebook սոցցանցի իր էջում։

«Մենք որոշել ենք միանալ քաղաքացիական ակտիվիստների նախաձեռնությանը, հավաքվել հոկտեմբերի 17-ին և ներկայացնել երեք պահանջ` ստեղծել հակակոռուպցիոն դատարաններ, չեղարկել պատգամավորական անձեռնմխելիությունը և ընդունել ընտրական նոր օրենսդրություն», — գրել է Օդեսայի նախկին նահանգապետը։

Սահակաշվիլու խոսքով` այս երեք պահանջները կլինեն հիմնականը, իսկ մնացածը նա կհավաքի ամբողջ Ուկրաինայի տարածքում նախատեսված ցույցերի ժամանակ։

«Կիևը պետք է շտապ փրկել» հայտարարությունից հետո քաղաքական գործիչը մտադիր էր մայրաքաղաք ժամանել դեռ սեպտեմբերի 19-ին։ Սակայն ուղևորությունը մեկ ամսով հետաձգվեց։

2013 թվականի նոյեմբերին Սահակաշվիլին լքեց Վրաստանն այն բանից հետո, երբ նոր նախագահը ստանձնեց պաշտոնը։ Վրաստանի Գլխավոր դատախազությունը հեռակա կարգով մեղադրանք ներկայացրեց Սահակաշվիլուն չորս քրեական գործով։ Վրաստանը մի քանի անգամ դիմել է ուկրաինական կողմին՝ Սահակաշվիլուն ձերբակալելու ու արտաքսելու պահանջով։ Պաշտոնական Կիևն ուսումնասիրում է Օդեսայի նախկին նահանգապետի արտաքսման մասին գործը։

Գլխավոր թեմաներ