ԵՐԵՎԱՆ, 20 սեպտեմբերի — Sputnik. Թուրքիայի նախագահ Ռեջեփ Թայիփ Էրդողանը մեղադրել է ԱՄՆ–ին` ահաբեկիչներին անվճար զենք մատակարարելու համար, նշելով, որ միաժամանակ Սպիտակ տունը հրաժարվել է զենք վաճառել իրենց, թեև նրանք դաշնակիցներ են ՆԱՏՕ–ի շրջանակում, հայտնում է թուրքական Habertürk պարբերականը։
«Մենք չենք կարող զենք գնել ԱՄՆ–ից, իսկ դուք այն անվճար տրամադրում եք Սիրիայի ահաբեկիչներին», – ասել է Էրդողանը Նյու Յորքում ՄԱԿ–ի գլխավոր ասամբլեայի ժամանակ։
ԱՄՆ–ի հասցեին Էրդողանի զայրույթն ու քննադատությունը պայմանավորված է նրանով, որ Սպիտակ տունը հետ է վերցրել Թուրքիայի նախագահի պաշտպանության ծառայություններին ամերիկյան զենք մատակարարելու առաջարկն այն բանից հետո, երբ Էրդողանի թիկնապահները ծեծել էին նրա այցի դեմ հանրահավաքի մասնակիցներին։
