ԵՐԵՎԱՆ, 22 սեպտեմբերի — Sputnik. Մի խումբ մարդիկ բողոքի ակցիա էին կազմակերպել Թուրքիայի նախագահ Ռեջեփ Էրդողանի Նյու Յորքյան ելույթի ժամանակ, հինգ անձ բերման է ենթարկել, հայտնում է ՌԻԱ Նովոստին` հղում անելով New York Times թերթին։
Էրդողանը հինգշաբթի ելույթ էր ունեցել Marriott Marquis հյուրանոցում անցկացված թուրք–ամերիկյան ազգային կոմիտեի միջոցառմանը, որտեղ ներկա գտնվող տղամարդկանցից մեկը նրա հասցեին բացականչել է. «Դու ահաբեկիչ ես, դո՛ւրս իմ երկրից»։ Միջադեպից հետո վեճ է եղել, որը ֆիքսել է դահլիճում տեղադրված տեսախցիկը։
Կադրերի վրա երևում է, թե ինչպես են անվտանգության աշխատակիցները բողոքավորներին, որոնց դահլիճում ներկա գտնվողները ծեծի էին ենթարկել և հրում են, դուրս բերում։
Ակցիայի մասնակիցներից մեկը` Մեղան Բոդեթը, հայտնել է, որ նրանց նպատակն էր «ուշադրություն հրավիրել Թուրքիայի ռազմական հանցագործություններին և քուրդ ժողովուրդների նկատմամբ մարդու իրավունքների ոտնահարմանը» ինչպես Թուրքիայում, այնպես էլ Սիրիայում։
Նյու Յորքի ոստիկանության դեպարտամենտի հաղորդագրության համաձայն` ակցիայի մասնակիցները «որոշ ժամանակով բերման են ենթարկվել»։ Ոչ մեկին չեն ձերբակալել, ոչ ոք չի տուժել։
ԱՄՆ Թուրքիայի նախագահի նախորդ այցերից մեկի ընթացքում ևս նման միջադեպ էր գրանցվել։ Մայիսին Վաշինգտոնում Թուրքիայի դեսպանի նստավայրի մոտ Էրդողանի անվտանգության աշխատակիցների և բողոքի ակցիայի մասնակիցների միջև բախում էր տեղի ունեցել։
Թուրքիայի ԱԳՆ–ն բացասական գնահատական է տվել 2017 թվականի մայիսին Վաշինգտոնում վեճ հրահրած Թուրքիայի նախագահ Ռեջեփ Էրդողանի թիկնապահներին մեղադրանք առաջադրելու ԱՄՆ որոշմանը։
