ԵՐԵՎԱՆ, 23 սեպտեմբերի — Sputnik. Սեպտեմբերի 23-ին Փարիզում բողոքի ցույցեր են կազմակերպվել, մարդիկ դժգոհ են Ֆրանսիայի նախագահ Էմանուել Մակրոնի ստորագրած հրամաններից, որոնց համաձայն` երկրում նախատեսվում են աշխատանքային բարեփոխումներ իրականացնել։
📸 La manifestation contre la réforme du code du travail organisée par Jean-Luc Mélenchon à Parishttps://t.co/bt5AxKEhx5
— Sputnik France (@sputnik_fr) 23 сентября 2017 г.
#JaiBastille pic.twitter.com/b7tFH5abmN
Ֆրանսիայի նախագահ Էմանուել Մակրոնը սեպտեմբերի 22-ին երկրի աշխատանքային օրենսգրքում բարեփոխումներ կատարելու վերաբերյալ առաջին կառավարական հրամանը ստորագրեց։ Հաջորդ օրը փաստաթուղթը հրապարակվեց Journal officiel կառավարական պարբերականում։ Օրենսդրական փոփոխություններն ուժի մեջ կմտնեն 2018 թվականի հունվարի 1-ից։ Աշխատանքային օրենսգրքում 37 փոփոխություն կկատարվի։
Du monde à la #Marche23septembre contre le #CoupdEtatSocial de #Macron! #jaiBastille pic.twitter.com/NDQqW4i4y8
— France insoumise 42 (@Fr_insoumise42) 23 сентября 2017 г.
Ցուցարարները շարժվել են դեպի Հանրապետության հրապարակ։ Նրանց ձեռքերում եղել են պաստառներ`«ի՞նչ էիք սպասում», «ո՛չ պետական հեղաշրջմանը», «կառավարությունում իրական անբաններ են հավաքված» գրություններով։ Հավաքվածները բողոքել են սոցիալական ընդհանուր վճարների (CSG), բնակարանային սուբսիդիաների կրճատման, սուբսիդավորված աշխատատեղի չեղարկման և Կանադայի հետ համապարփակ ազատ առևտրի գոտու վերաբերյալ Համաձայնագրերի (Comprehensive Economic and Trade Agreement; CETA) դեմ։
Բողոքի ակցիան կազմակերպել է «Ձախ կուսակցության» հիմնադիրներից մեկի` Ժան Լյուկ Մելանշոնի «Անհնազանդ Ֆրանսիա» շարժումը։ Ցույցին մասնակցել է ընտրությունների ժամանակ Էմանուել Մակրոնի մեկ այլ հակառակորդ ևս` սոցիալիստ Բենուա Ամոնը և Ֆրանսիայի Կոմկուսի նախագահ Պիեր Լորանը։
Մակրոնին քննադատում են կառավարման ավտորիտար ոճի համար, ինչպես նաև մեղադրում «սոցիալական ոլորտում պետական հեղաշրջման» փորձ անելու մեջ։ Ֆրանսիացի առաջնորդը իսկապես կրճատել է որոշ գերատեսչությունների ծախսերը, պետական հատվածի աշխատատեղերը, հեշտացրել աշխատակիցներին աշխատանքից հեռացնելու ընթացակարգը, ինչպես նաև հարկային բեռի մի մասը դրել թոշակառուների ուսերին, գրում է ՌԻԱ Նովոստին։
