ԵՐԵՎԱՆ, 24 սեպտեմբերի — Sputnik. Ադրբեջանական հատուկ ծառայությունները ստուգում են տվյալներն Իրաքում մահացած իրենց 300 քաղաքացիների վերաբերյալ։ Այդ մասին հայտնում է ՌԻԱ Նովոստին՝ հղում անելով Ադրբեջանի պետական անվտանգության ծառայության պետ Մադաթ Գուլիևին։
Ադրբեջանի ՊԱԾ հասած տեղեկությունների համաձայն՝ երկրի 300 քաղաքացի մահացել է հակաահաբեկչական գործողության ընթացքում։
«Տվյալ պահին մեր աշխատակիցներն Իրաքում են գտնում ու ստուգում են այդ տեղեկության ստույգ լինելը»,- ասել է Գուլիևը՝ հավելելով, որ քարոզչության զոհ դարձած Ադրբեջանի քաղաքացիները ոչ միայն միացել են Իսլամական Պետությանը, այլ նաև իրենց հետ տարել են ընտանիքն անդամներին։
Ունեցած տվյալների համաձայն՝ մահացածների թվում կան երեխաներ։
Գուլիևը նաև նշել է, որ ահաբեկչական կազմակերպությանը միացած 195 մարդ զրկվել է քաղաքացիությունից։
