ԵՐԵՎԱՆ, 25 սեպտեմբերի — Sputnik. Գերմանիայում ավարտվեց Բունդեսթագի ընտրությունների քվեարկությունը։ Նախնական տվյալների համաձայն՝ առաջին տեղում է Քրիստոնեա — դեմոկրատական կուսակցությունը՝ կանցլեր Անգելա Մերկելի գլխավորությամբ, փոխանցում է DW-ն։
Գերմանիայի սոցիալ-դեմոկրատական կուսակցությունը, որն իշխող կոալիցիայի մի մասն էր, հավաքել է 21%՝ իր գոյության ամբողջ պատմության մեջ վատագույն արդյունքը և արդեն հայտնել է, որ ընդդիմություն է դառնում։
Երրորդը «Գերմանիայի այլընտրանքն» է՝ 13,1% ձայնով։
Դրան հետևում են Ձախ կուսակցությունը՝ 8,9% ձայնով, Գերմանիայի Ազատ դեմոկրատական կուսակցությունը՝ 10,4% ձայնով, «Միություն 90»/ «կանաչներ»՝ 9,3%։
Մնացած կուսակցությունները ստանում են 5%-ից պակաս ու խորհրդարան չեն անցնում։
Պաշտոնական նախնական տվյալները կհրապարակվեն կիրակի լույս երկուշաբթի գիշերը։
