ԵՐԵՎԱՆ, 16 հոկտեմբերի — Sputnik. Ռուսաստանցի նկարիչ Պյոտր Պավլենսկին, որը քաղաքական ապաստան է գտել Ֆրանսիայում, տեղի իշխանություններին «երախտագիտություն» է հայտնել յուրօրինակ ձևով և հրդեհել է Փարիզում գտնվող Ֆրանսիայի բանկը։
RT France հեռուստաընկերության հրապարակած լուսանկարներում երևում են բանկի այրված ու կոտրված ապակիները։
«Հասցված վնասի պատճառով շենք մտնել հնարավոր չէ»,- գրված է բանկի դռան վրա։
Լուսանկարներում երևում է, որ դեպքի վայր է ժամանել ոստիկանությունը։
France Info ռադիոկայանն ավելի վաղ լուսանկար էր հրապարակել, որում Պավլենսկին կանգնած է հրդեհվող շենքի դիմաց։
L'artiste russe Pavlenski arrêté par la police à 4h10 après avoir mis le feu à la Banque de France @afpfr @franceinfo pic.twitter.com/rGhzMMqhFp
— Capucine Henry (@capucinema) 16 октября 2017 г.
«Լրագրողներ առանց սահմանների» ասոցիացիայի նախագահ Պիեռ Ասկին արդեն մեկնաբանել է այս դեպքը։
«Այս նկարիչը չի կարողացել զսպել իրեն. նա հրդեհել է Լուբյանկայի դռները, Մոսկվայում ՊԱԿ-ի նախկին շենքը։ Ֆրանսիայում ապաստան ստանալով` նա որոշել է զբաղվել Ֆրանսիայի բանկով»,- Թվիթերի իր միկրոբոլոգում գրել է նա։
Պավլենսկին Ֆրանսիա է տեղափոխվել կնոջ ու երեխաների հետ։ Նրա նկատմամբ փորձել էին քրեական գործ հարուցել «Թատրոն.doc»- դերասաններից մեկին ծեծելու համար։ Ստուգումներ էին անցկացվել նաև նույն թատրոնի դերասանուհիներից մեկի նկատմամբ սեռական բնույթի բռնի գործողություններ կատարելու գործով։ Նա Ֆրանսիայում քաղաքական ապաստան է ստացել մայիսին։
