ԵՐԵՎԱՆ, 26 նոյեմբերի- Sputnik. Իսրայելն ամեն օր հազարավոր զբոսաշրջիկներ է ընդունում, որոնք այցելում են տեսնելու Սուրբ հողի հրաշքները: Բայց Սուրբ հողն այն չէր լինի առանց հայկական հետքի:
Յաֆֆոն Թել Ավիվի և Հին Իսրայելի գլխավոր նավահանգստային քաղաքներից մեկն է: Էքսկուրսիայի ընթացքում այս հնագույն քաղաքում կարելի է նկատել անգլերեն լեզվով գրված մի ցուցանակ, որը տանում է դեպի Հայկական վանք, գրում է ռուսական պարբերականը:
«Ծովափին կարելի տեսենել ցուցանակ, որը ցույց է տալիս ինչպես հասնել Նիկոլյան Հայկական միաբանություն, որտետ 1799 թ.-ին Յաֆֆոն գրաված Նապալեոնը թողել էր իր՝ ժանդախտով վարակված զինվորներին»,-գրում է պարբերականը:
Այդ ժամանակ Նապոլեոնի բանակն օգնություն է խնդրել Հայոց պատրիարքից: Հայ հոգևորականների մեջ կային մարդիկ, ովքեր տիրապետում էին բժշկության գաղտնիքներին: Նրանք սկսում են հոգ տանել Նապոլեոնի զինվորների նկատմամբ, որոնցից մի մասի կյանքը հաջողվում է փրկել: Մյուսները կամ հիվանդությունից են մահանում, կամ գնդակահարվում են Նապոլեոնի հրամանով:
Պարբերականի տվյալներով՝ այստեղ գլխավոր շինություն կարելի է համարել Սիմոն Կաշեգործի տունը, որտեղ ավանդության համաձայն, հանգրվանել է Պետրոս առաքյալը:
«Շինությունը (որը վերջին 2000 տարում մի քանի անգամ վերանորոգվել է) հասել է մինչև մեր օրեր: Իհարկե, ներս մտնել դժվար թե ստացվի, այն սովորական տուն է, որն անհիշելի ժամանակներից պատկանում է Զաքարյան ընտանիքին»,-պատմում են պատի հեղինակները:
