ԵՐԵՎԱՆ, 30 նոյեմբերի — Sputnik. Կալիֆոռնիայի Հայկական թանգարանում նոյեմբերի 30–ին հայկական մշակույթին նվիրված միանգամից 2 միջոցառում է նախատեսված։ Այս մասին գրում է armenianweekly.com–ը։
«Նյու Յորքի Մետրոպոլիտեն թանգարանից դոկտոր Հելեն Էվանսը կպատմի 2018 թ.–ի սեպտեմբերի 21–ից մինչև 2019թ.–ի հունվարի 13–ը սպասվող ցուցահանդեսի մասին, որը նվիրված է հայ միջնադարյան մշակույթին»,–ասվում է հոդվածում։
Հայերը շատ լավ գիտեն, որ իրենց նախնիներն Արարատի լանջին են ապրել, և որ իրենք են աշխարհում Քրիստոնեությունն առաջինն ընդունած ազգն են, նշում է հոդվածագիրը։
Բայց աշխարհում ոչ միշտ են պատկերացնում այն հարստությունն ու բազմազանությունը, որն ամփոփված է հայ միջնադարյան արվեստում։ Իսկ միջնադարում հնագույն ազգի ներկայացուցիչները մեծ դեր ունեին համաշխարհային առևտրում և տարածված էին աշխարհով մեկ։
Դոկտոր Էվանսը կպատմի Հայաստանի քրիստոնեացման, Հայ միջնադարյան մշակույթի զարգացման և համաշխարհային մշակույթի վրա հայկականի ազդեցության մասին։
Մյուս շնորհանդեսը հայտնի լուսանկարիչ Հրայր Բազե Խաչերյանինն է։
Երբ նրա հաջողվեց բուժվել դարի հիվանդությունից` քաղցկեղից, նա իրեն նվիրեց հայ մշակութային ժառանգությունը ժապավենին հանձնելու գործին։
Սպասվող ցուցադրության պաշտոնական լուսանկարիչը` Խաչարյանը, կներկայացնի նաև իր նոր գիրքը` «Խաչքարը»։
Հրայր Բազե Խաչերյանը ծնվել է 1961թ.–ին Լիբանանում։ Այնտեղից տեղափոխվել է Կանադա։ Նրա աշխատանքները տպվել են բազմաթիվ հռչակավոր ամսագրերում, թերթերում և գրքերում։
Ամերիկայի Հայկական թանգարանում պահպանվում են մշակույթի գործեր, որոնք նվիրել են հայ ընտանիքները` աշխարհի տարբեր երկրներից։
