10:18 14 դեկտեմբերի 2017
Ուղիղ եթեր
Շառլ Ազնավուր

Շառլ Ազնավուրը պատմել է ճակատագրի սարսափելի հարվածի մասին

© AFP 2015/ ROMAIN LAFABREGUE
Աշխարհ
Ստանալ կարճ հղումը
11610

Հայտնի շանսոնյե Շառլ Ազնավուրը ցավում է աշխարհահռչակ ռոք լեգենդ Ջոնի Հոլիդեյի մահվան համար։

ԵՐԵՎԱՆ, 7 դեկտեմբերի — Sputnik. Ֆրանսիացի հայտնի ռոք երաժիշտ Ջոնի Հոլիդեյի մահը ծանր կորուստ է աշխարհահռչակ շանսոնյե Շառլ Ազնավուրի համար։ Այդ մասին նա գրել է իր պաշտոնական ֆեյսբուքյան էջում։

Հոլիդեյը մահացել է դեկտեմբերի 6–ին, 74 տարեկան հասակում, Փարիզում։ Նոյեմբերի 7–ին նրան տեղափոխել են Փարիզի հիվանդանոցներից մեկը` շնչառության հետ կապված խնդիրներով։

«Ջոնի Հոլիդեյ ու Ժան դ’Օրմեսսոն (ֆրանսիացի գրող ու պատմաբան, մահացել է երեկ՝ 92 տարեկանում)՝ երկու մարդ, որոնք ոգեշնչում էին ինձ։ Տասնամյակներ անց ճակատագիրը կրկին հարվածեց ինձ` տարօրինակ ու ցավագին զուգադիպությամբ մեզնից հեռացան չորս արտասովոր մարդիկ ու բոլորը մեկ գիշերվա ընթացքում՝ Էդիթ Փիաֆն ու Ժան Կոկտոն (1963-ի հոկտեմբերի 11-ին), իսկ հիմա Ջոնի Հոլիդեյը ու Ժան դ’Օրմեսսոնը։ Առաջին երկուսն իմ արտիստական ընտանիքից էին, վերջին երկուսը մարդիկ, որոնք ինձ ոգեշնչում էին։ Նրանք մեկընդմիշտ կմնան իմ սրտում ու հոգում։ Նրանք իմ անցյալում ու ներկայում են ու կլինեն ինձ հետ մինչև իմ կյանքի վերջ»,- գրել է», – գրել է Ազնավուրը։

Հոլիդեյի մահվան հետ կապված Շառլը հետաձգել է իր հարցազրույցները։ Ազնավուրն ընկերություն էր անում ռոք աստղի հետ ու նաև նրա երգերի հեղինակն էր։

Գլխավոր թեմաներ