01:20 14 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Եմեն

Sputnik–ի գերի ընկած թղթակիցն ազատության մեջ է. ապստամբ–հուսիները ազատել են գերիներին

© REUTERS / Khaled Abdullah
Աշխարհ
Ստանալ կարճ հղումը
44 0 0

Եմենում ապստամբ–հուսիներն ազատել են 41 լրագրողի, այդ թվում Sputnik–ի թղթակցին։

ԵՐԵՎԱՆ, 14 դեկտեմբերի — Sputnik. «Անսար Ալլա» շիիթական շարժման ապստամբ–հուսիները չորեքշաբթի ազատել են «Ալ Յաման ալ–Յաում» հեռուստաալիքի 40 աշխատակցի և Sputnik–ի արտահաստիքային թղթակցին, ում գերի էին վերցրել երկու շաբաթ առաջ։ Այդ մասին հայտնում է ՌԻԱ Նովոստին։

«Դեկտեմբերի 13-ի երեկոյան ինձ և «Ալ Յաման ալ–Յաում» (Yemen Today) հեռուստաալիքի 40 աշխատակցի ազատ են արձակել դեկտեմբերի 2-ին հեռուստաալիքի շենքի գրավումից 12 օր անց», – հայտնում է Sputnik–ի թղթակիցը։

Ապստամբները դեկտեմբերի 2-ին Եմենի մայրաքաղաք Սանում հարձակում էին գործել հեռուստակենտրոնի շենքի վրա, որտեղ գտնվում է Yemen Today ալիքի գրասենյակը, որի հետ համագործակցում էր Sputnik–ի արտահաստիքային աշխատակիցը։ Լրագրողներն, ի նշան բողոքի, կիրակի օրը հացադուլ էին հայտարարել։ Այդ երկրում ապստամբների հետ շփում ունեցող երկու աղբյուր, ՌԻԱ Նովոստիին հայտնել էին, որ Sputnik–ի թղթակիցը այլ լրագրողների հետ միասին հուսիների կողմից պահվում է հեռուստաալիքի շենքում։ Հայտնում էին, որ շենքում, ընդհանուր առմամբ, 41 մարդ է պահվում։

Ավելի վաղ «Անսար Ալլա» շարժման քաղբյուրոյի անդամ Հալիմա Ջահաֆը ՌԻԱ Նովոստիին հայտնել է, որ հուսիները լրագրողներին ազատ կարձակեն քննչական միջոցառումներից հետո։

Գլխավոր թեմաներ