02:26 25 ապրիլի 2018
Ուղիղ եթեր
Սպիտակ տունը Վաշինգտոնում

Նոր պատժամիջոցներ Ռուսաստանի դեմ. պաշտոնյաների հարազատներին և ընկերներին թույլ չեն տա գնալ ԱՄՆ

© Sputnik / Владимир Федоренко
Աշխարհ
Ստանալ կարճ հղումը
39 0 0

ԱՄՆ–ն աշխատում է Ռուսաստանի դեմ պատժամիջոցների վրա` «Ամերիկայի հակառակորդներին հակազդելու մասին օրենքի» շրջանակում։

ԵՐԵՎԱՆ, 12 հունվարի — Sputnik. Պատժամիջոցների ցուցակների մեջ կընդգրկվեն բարձրաստիճան պաշտոնյաները և գործարարները, որոնք մոտ են Ռուսաստանի ղեկավարությանը։ Այդ մասին գրում է ՌԻԱ Նովոստին` հղում անելով «Կոմերսանտ» թերթին։

Այսպես կոչված «կրեմլովյան զեկույցը», որի կազմելու վրա հիմա աշխատում է Վաշինգտոնը, կարող է ներառել բիզնեսի և քաղաքականության շուրջ 50 ականավոր անձանց։ «Կրեմլովյան զեկույցը» պետք է հրապարակվի հունվարի 29–ից ոչ ուշ։

«Պատժամիջոցների միջոցով Ամերիկայի հակառակորդներին հակազդելու մասին» օրենքի պայմաններով ցանկում պետք է ներառվեն ոչ միայն պաշտոնյաները և գործարարները, այլ նաև նրանց ընտանիքների անդամները։ Այսպիսով` ցուցակը կարող է ընդգրկել մինչև 300 հոգու։ Հրատարակության զրուցակիցները կոնկրետ անուններ չեն նշել։

Միաժամանակ, ԱՄՆ ֆինանսների նախարար Սթիվեն Մնուչինը հինգշաբթի Սպիտակ տանը կայացած ճեպազրույցում հայտարարել է, որ «Ամերիկայի հակառակորդներին հակազդելու օրենքի» շրջանակում նրանք աշխատում են Ռուսաստանի դեմ պատժամիջոցներ սահմանելու վրա։

«Մենք աշխատում ենք դրա վրա։ Նրանց անունները կհայտարարվի մոտ ապագայում», – ասել է նախարարը։

ԱՄՆ կոնգրեսի երկու պալատներն անցած տարվա հուլիսին ընդունել են օրենքը ձայների մեծամասնությամբ։ ԱՄՆ նախագահ Դոնալդ Թրամփը ստորագրել է այն 2017թ–ի օգոստոսի 2–ին։ Տվյալ փաստաթուղթը նախատեսում է Ռուսաստանի, Հյուսիսային Կորեայի և Իրանի դեմ պատժամիջոցների խստացում։

Գլխավոր թեմաներ