ԵՐԵՎԱՆ, 1 փետրվարի — Sputnik. Մեր ժամանակների ամենագեղեցիկ հանցագործ Ջերեմի Միքսը ժամանել է Ռուսաստան` երգչուհի Օլգա Բուզովայի տեսահոլովակում նկարահանվելու համար։
Դատելով Instagram —ում «Դոմ 2»-ի նախկին մասնակցի հրապարակած լուսանկարներից` զույգը միասին աշխատել է Բուզովայի նոր տեսահոլովակի վրա։
«Քիչ են կեսերը» հիթի կատարողը, ամենայն հավանականությամբ, գտել է իր երկրորդ կեսին, քանի որ անդադար լուսանկարներ է հրապարակում Ջերեմիի հետ։ Աղջիկն արդեն մակագրել է մի լուսանկար. «Ինձ մոտ եկել է աշխարհի ամենագեղեցիկ վատ տղան»։
Բուզովայի խոսքով` «#wifi» երգի տեսահոլովակը նկարել են 24 ժամ շարունակ։
«Սա իմ լավագույն աշխատանքը կլինի, սպասեք», — գրել է Բուզովան։
2017թ-ի փետրվարին 33-ամյա Ջերեմի Միքսը որպես մոդել հանդես է եկել պոդիումում` Նյու Յորքի հանրային գրադարանի աստիճանների վրա, որտեղ տեղի է ունեցել գերմանացի մոդելավորող Ֆիլիպ Փլեյնի հավաքածուի ցուցադրությունը։
2014 թվականի ամռանը Միքսին մեղավոր էին ճանաչել ապօրինի զենք պահելու համար և բանտ նստեցրել։ Նա հայտնի դարձավ այն բանից հետո, երբ Կալիֆոռնիա նահանգի ոստիկանությունը նրա լուսանկարները տեղադրեց Facebook սոցցանցի իրենց էջում, իսկ դրանից հետո համացանցի օգտատերերը սկսեցին տառապել «միքսոմանիայով»։ Պատիժը կրելու ընթացքում Միքսը մոդելային գործակալություններից և հոլիվուդյան պրոդյուսերներից սկսեց առաջարկներ ստանալ։
Հանցագործը պայմանագիր ստորագրեց հոլիվուդյան երկու պրոդյուսերի հետ, որոնք նրան առաջարկում էին մասնակցել տարբեր նախագծերի և ամսական 30-100 հազար դոլար եկամուտ ունենալ։
