ԵՐԵՎԱՆ, 14 փետրվարի — Sputnik. Russia Today հեռուստաալիքի գլխավոր խմբագիր, «Ռոսիա սեգոդնյա» միջազգային տեղեկատվական գործակալության և Sputnik լրատվական գործակալության գլխավոր խմբագիր Մարգարիտա Սիմոնյանը նախօրեին հանդիպել է Պաղեստինի ինքնավարության ղեկավար Մահմուդ Աբասի հետ։
Ոչ պաշտոնական հանդիպման ընթացքում, որն արտացոլվել է միայն Սիմոնյանի սոցիալական ցանցերում, մասամբ ճանաչված Պաղեստինի պետության նախագահ, ՖԱԹՀ շարժման նախագահ Մահմուդ Աբասը նախշազարդ գլխաշոր է նվիրել Սիմոնյանին։
Вот какой платок мне подарил Махмуд Аббас. Попили с ним отменный кофе с кардамоном. Я рассказала, как ездила в Палестину 15 лет назад. pic.twitter.com/SYllBXiKZk
— Маргарита Симоньян (@M_Simonyan) 13 февраля 2018 г.
«Ահա թե ինչ գլխաշոր է ինձ նվիրել Մահմուդ Աբասը։ Նրա հետ քարդամոնով սուրճ եմ խմել։ Ես պատմեցի, թե ինչպես եմ 15 տարի առաջ եղել Պաղեստինում։ Չեմ կարող ասել, թե ուրիշ ինչի մասին ենք զրուցել, բացի նրանից, որ նրա աշխատասենյակում մշտապես միացած է մեր արաբական RT–ը և այն, որ երբ նա ժամանում է Մոսկվա, միշտ իր հետ լավ եղանակ է բերում», – ասել է Սիմոնյանը։
Sputnik–ի գլխավոր խմբագրի խոսքով` հիմքեր կան ենթադրելու, որ Մոսկվան շանսեր ունի դառնալու գլխավոր միջազգային միջնորդ պաղեստինա–իսրայելական հակամարտության մեջ։
Նախօրեին հայտնի է դարձել, որ Պաղեստինի WAFA պետական տեղեկատվական գործակալությունը և Sputnik լրատվական գործակալությունն ու ռադիոն համագործակցության մասին համաձայնագիր են ստորագրել։
Այդ համաձայնագիրը թույլ կտա ընդլայնել երկու երկրների համագործակցությունը մեդիա շուկայի զարգացման և միջոցառումների անցկացման առումով։
Sputnik-ը միջազգային տեղեկատվական գործակալություն է և ռադիո։ Մուլտիմեդիոն տեղեկատվական մասնաճյուղեր ունի տասնյակ երկրներում, կայքեր` ավելի քան 30 լեզվով, անալոգային և թվային ռադիոհեռարձակում, բջջային հավելվածներ և էջեր սոցցանցերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:
