06:12 26 մայիսի 2018
Ուղիղ եթեր
  • USD482.76
  • GBP644.63
  • EUR565.36
  • RUB7.81
Իսկուհի Աբալյան

ՄԱԿ–ի բարի կամքի դեսպան. ես կարոտում եմ Հայաստանը, իմ երակներում հայկական արյուն է հոսում

CC BY-SA 4.0 / Katyarayaa
Աշխարհ
Ստանալ կարճ հղումը
86 0 0

Երգչուհի և ՄԱԿ-ի Մարդու իրավունքների գերագույն հանձնակատարի գրասենյակի փախստականների գծով բարի կամքի դեսպան Իսկուհի Աբալյանը պատմել է իր հայրենիքի մասին։

ԵՐԵՎԱՆ, 15 փետրվարի — Sputnik. Բելառուսում ապրելը չի փոխում վերաբերմունքը հայրենիքի նկատմամբ։ Այս մասին «Բելառուսն այսօր» օն լայն պարբերականին տված հարցազրույցում ասել է երգչուհի և ՄԱԿ-ի Մարդու իրավունքների գերագույն հանձնակատարի գրասենյակի փախստականների գծով բարի կամքի դեսպան Իսկուհի Աբալյանը։

Իսկուհու խոսքով` նա միանգամից 3 հայրենիք ունի` Հայաստանը, Բելառուսը և ամբողջ Եվրոպան։

«Իմ սրտում 3 հայրենիքի կա, որոնց բոլորին հավասարապես եմ սիրում։ Ծնվել եմ Հայաստանում, իմ երակներում հայի արյուն է հոսում, բնավորությունս հայկական է։ Ահավոր կարոտում եմ հայրենիքս, թեպետ այնտեղ գրեթե չեմ ապրել։ Մանկությունս և պատանեկությունս անցել է Սմոլենսկում, իմ ծնողները դեռ այնտեղ են ապրում»,–պատմել է նա հարցազրույցի ընթացքում։

Իսկուհին նաև պատմել է իր 3–րդ հայրենիքի` Բելառուսի մասին։

«Սիրում եմ Մինսկը, որտեղ ես կայացել եմ որպես երգչուհի։ Այնտեղ են ապրում իմ ընկերներն ու երկրպագուները։ Սիրելի վայրերի մասին երգեր ունեմ»,– նշել է Իսկուհին։

Նա նաև ավելացրել է, որ լավ կլիներ, որ ամեն մարդ ինչ-որ բան աներ իր հայրենի եզերքի համար։ Եվ կարևոր չէ, թե քարտեզի վրա որտեղ է գտնվում այդ եզերքը, կարևորն այն քո սրտում տեղ ունենա։

Գլխավոր թեմաներ