ԵՐԵՎԱՆ, 17 փետրվարի — Sputnik. Թուրքիայի խորհրդարանի հայ պատգամավոր Կարո Փայլանը մեկնաբանել է վեց լրագրողի ցմահ ազատազրկման դատապարտելու որոշումը։
Փայլանն ասել է, որ նրանք գերի են սեփական երկրում։
«Գերմանիայի, Ֆրանսիայի, ԱՄՆ-ի անձնագիր չունեցող գերիները Թուրքիայում «բազարի» առարկա չլինելու պատճառով ցմահ ազատազրկում են ստանում»,- ասել է նա։
Փայլանը նկատի է ունեցել գերմանական Die Welt-ի թղթակից Դենիզ Յուջելին ազատ արձակելու փաստն ու ցմահ ազատազրկման դատապարտված Մեհմեդ և Ահմեդ Ալթան եղբայրներին։
Ալթան եղբայրները ցմահ ազատազրկվել են միայն այն բանի համար, որ հեղաշրջումից առաջ իրենց հրապարակումներից մեկում գրել են` Էրդողանը շուտով կհեռանա։
