19:42 19 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Դոնալդ Թրամփն ու Թերեզա Մեյը

Թերեզա Մեյը մերժել է Թրամփին

© Sputnik / Алексей Витвицкий
Աշխարհ
Ստանալ կարճ հղումը
74 0 0

The Times-ը հայտնում է, որ Մեծ Բրիտանիայի վարչապետը մերժել է ԱՄՆ–ի նախագահին Սիրիայում համատեղ ռազմական արշավ անցկացնելու հարցում։

ԵՐԵՎԱՆ, 11 ապրիլի — Sputnik. Մեծ Բրիտանիայի վարչապետ Թերեզա Մեյն ԱՄՆ-ի նախագահ Դոնալդ Թրամփի հետ հեռախոսազրույցի ընթացքում հայտարարել է, որ Լոնդոնը պետք է ավելի շատ ապացույցներ ստանա Սիրիայում ենթադրվող քիմիական հարձակման մասին, նախքան այդ երկրին հարվածներ հասցնելուն միանալը։ Այդ մասին հաղորդում է ՌԻԱ Նովոստին` հղում անելով The Times թերթին։

Թրամփի սիրիական որոշումը

ԱՄՆ-ի նախագահ Դոնալդ Թրամփն անցած երկուշաբթի հայտարարել է, որ ԱՄՆ-ի գործողությունների մասին որոշում կընդունի` կապված առաջիկա մեկ-երկու օրերի ընթացքում Սիրիայում քիմիական հարձակման մասին հաղորդագրությունների հետ։

«Մենք առաջիկա 24-48 ժամերի ընթացքում որոշում կընդունենք», — ասել է նախագահը` հավելելով, որ, հնարավոր է, նման որոշում ընդունվի «մինչև օրվա վերջ»։ Պատասխանելով հարցին, թե բացառո՞ւմ է արդյոք ռազմական գործողությունները, ԱՄՆ նախագահն ասել է. «Ոչինչ չի բացառվում»։

Ի պատասխան ԱՄՆ նախագահի սպառնալիքների, ՌԴ ԱԳՆ ղեկավար Սերգեյ Լավրովը հիշեցրել է Սիրիայի առջև Ռուսաստանի պարտավորությունների մասին։

«Գիտեք` մեր զինվորականներն արդեն արձագանքել են դրան։ Մենք մեր պարտավորություններն ունենք Սիրիայի առջև։ Պարտավորություններ` հիմնված մեր պայմանագրի վրա, որը կնքվել է ՍԱՀ օրինական կառավարության հետ այդ կառավարության խնդրանքով, որը, ի դեպ, ՄԱԿ-ի անդամ երկիր է», — Մոսկվայում կայացած ճեպազրույցի ընթացքում հայտարարել է Լավրովը։

«Լուրջ հետևանքներ»

ՄԱԿ-ին կից Ռուսաստանի մշտական ներկայացուցիչ Վասիլի Նեբենզյան, ելույթ ունենալով ՄԱԿ-ի Անվտանգության խորհրդի նիստում, նախազգուշացրել է ԱՄՆ-ին Սիրիայում ուժ կիրառելու հնարավոր հետևանքների մասին։

«Մենք համապատասխան ալիքներով արդեն հասցրել ենք ամերիկյան կողմին, որ Սիրիայի դեմ կեղծ պատրվակներով ուժային գործողությունները, որտեղ այդ երկրի օրինական կառավարության խնդրանքով գտնվում են ռուս զինծառայողները, կարող են հանգեցնել ամենածանր հետևանքների», — ասել է Նեբենզյան։

«Քիմիական հարձակում» սիրիական Դումայում

Անցած շաբաթվա վերջին արևմտյան ԶԼՄ-ներից շատերը հայտնեցին, թե իբր Սիրիայի Դումա քաղաքում քիմիական գրոհ է իրականացվել։

Տեղեկությունը հրապարակվեց որոշ ընդդիմադիր կայքերում, այդ մասին հայտնեց նաև «Ալ Ջազիրա» քաթարական հեռուստաընկերությունը։ Հղում անելով գրոհայիններին` նրանք պնդեցին, որ սիրիական բանակը քաղաքում քլորով ռումբ է նետվել, որի հետևանքով տասնյակ մարդիկ են մահացել։ Արևմուտքի երկրները հայտարարեցին, որ «ռումբի» հեղինակը պաշտոնական Դամասկոսն է, որն էլ իր հերթին հերքեց մեղադրանքները։

Գլխավոր թեմաներ