12:09 19 սեպտեմբերի 2018
Ուղիղ եթեր
  • USD484.37
  • GBP635.69
  • EUR565.50
  • RUB7.15
Մարդինի հայկական եկեղեցին

Նա քրիստոնյա չէ. 80–ամյա թրքուհին խնամում է Մարդինի հայկական եկեղեցին

CC BY-SA 2.0 / Europa Nostra / St. George Armenian Church in Mardin, TURKEY
Աշխարհ
Ստանալ կարճ հղումը
138340

Թուրքական Մարդին քաղաքի հայկական եկեղեցուն նախկինում հետևում էր հայերի վերջին ընտանիքը, այսօր այդ գործն անում է 80 տարեկան Խաթուն Ջաջուռը, որի մասին գրել է Dailysabah թերթը։

ԵՐԵՎԱՆ, 11 ապրիլի — Sputnik. Թրքուհի Խաթուն Ջաջուռն ամեն օր կռանում է Թուրքիայի Մարդին քաղաքի Սուրբ Գևորգ հայկական եկեղեցու պատերի և սալաքարերի վրա, գրում է Dailysabah-ը։

Նա քրիստոնյա չէ, բայց դա որևէ նշանակություն չունի։ Ջաջուռը կարծում է, որ չի կարելի անխնամ թողնել եկեղեցին։

80-ամյա Խաթունը դանդաղ ու հանգամանորեն մաքրում է եկեղեցին, կտրում է բակի թփերը, ջրում ծաղիկներն ու ծառերը։ Իսկ ո՞վ է հոգ տանում նրա մասին։ Կինը մենակ է ապրում, ամուսինը վաղուց է մահացել։ Նա կարծես չի էլ նկատում իր հիվանդությունները։

«Առանց հավատի գործը կմեռնի», — ասում է Խաթունը։

Մարդինը եղել է Թուրքիայի բազմազգ քաղաքներից մեկը։ Այստեղ ապրել են արաբներ, ասորիներ, քրդեր, հայեր, թուրքեր։ Հիմա հայերից միայն մի տարեց զույգ է մնացել։ Քանի դեռ կարողանում էին, նրանք էին խնամում եկեղեցին։

«Նրանք երկուսն են` Յուրշալինը և նրա ամուսինը` Նայիֆը։ Հիմա արդեն հիվանդ են, չեն կարողանում եկեղեցի գալ, կարգուկանոնին հետևել։ Հիմա ես եմ այդ գործն անում աստծու օրհնությամբ։ Ի վերջո, ես լավ գործ եմ անում», — ասում է Խաթունը։

Daily Sabah թերթը գրում է, որ Թուրքիայի այսօրվա հայ համայնքը 33 գործող եկեղեցի ունի. հայերի զգալի մասին «տեղափոխել» են ժամանակակից Թուրքիայի սահմաններից դուրս։

Հայ և օտարերկրացի պատմաբանների տվյալներով` մինչև 1915թ-ը Թուրքիայում եղել են մոտ 2,5 հազար հայկական և մոտավորապես նույնքան հունական եկեղեցիներ, ասորականների թիվը գերազանցել է 100-ը։ Գրեթե բոլորը ոչնչացված են, իսկ պահպանված եկեղեցիների ծագման մասին լռում են։

Ըստ թեմայի

Ավելի լավ է մեկ անգամ տեսնել, քան հարյուր անգամ «լայքել». Մյանմայի հայկական եկեղեցին
Յուրահատուկը. Բանգլադեշի հայկական եկեղեցին պարտադիր այցելության վայրերի ցանկում է
Ինչպես է անտառում ծվարած առեղծվածային եկեղեցին կյանք շնորհել Վերնաշեն գյուղին
Հայերը յոթ ծովից այն կողմ, կամ ինչո՞ւ է հայկական եկեղեցին ամենահինը Սինգապուրում

Գլխավոր թեմաներ