19:44 19 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Իրավիճակը Սիրիայում

Դամասկոսում հայտնել են ԱՄՆ-ի ավիացիայի հարձակմանը պատասխան տալու պատրաստակամության մասին

© Sputnik / Михаил Воскресенский
Աշխարհ
Ստանալ կարճ հղումը
100 0 0

Միաժամանակ սիրիական կողմի մոտ հարց է առաջացել` ինչու՞ ամերիկյան հրթիռները չեն օգտագործվել ահաբեկիչների դիրքերին հարվածելու համար։

ԵՐԵՎԱՆ, 11 ապրիլի — Sputnik. Սիրիան պատրաստ է իրադարձությունների ցանկացած զարգացմանը, ու եթե ԱՄՆ-ը հարվածներ հասցնի, ապա սիրիական ՀՕՊ-ը կպատասխանի դրանց։ Այս մասին Sputnik-ին հայտնել է սիրիական խորհրդարանի պատգամավոր Ամար Ալ-Ասադը։

Պաշտոնյայի խոսքով` սիրիական ՀՕՊ ուժերը ապացուցեցին իրենց արդյունավետությունը, երբ կործանեցին իսրայելական F-16 կործանիչներն ու վերջերս գործարկած հրթիռները։

«Դոնալդ Թրամփն իր վերջին հուզումնալից արտահայտություններն է անում, քանի որ դժվար է համակերպվել Արևելյան Ղութայում պայմանագրային ծառայողների կորստի հետ։ Ամերիկացիներն ու իրենց դաշնակիցները օգտագործում էին այդ շրջանը պաշտոնական Դամասկոսին շանտաժի ենթարկելու համար», — համոզված է Ալ-Ասադը։

Նրա խոսքով` անհասկանալի է, թե ինչու Թրամփի «խելացի» հրթիռները սիրիական ճգնաժամի սկսվելուն պես չեն օգտագործվել ահաբեկիչներին հարվածելու համար։ Եվ դրա փոխարեն Սիրիայի պաշտոնական իշխանության հասցեին մշտապես սպառնալիքներ էին հնչեցնում։ Պատգամավորը համոզված է, որ ամերիկացիների հարվածները ձեռնտու են միայն ահաբեկչական կազմակերպություններին, որոնք կռվում են սիրիական պետության դեմ։

Ալ-Ասադի խոսքով` կան բազում գործոններ, որոնք վկայում են` Ղութայում ոչ մի գազային հարձակում չի եղել։ Գազային հարձակման բացակայությունը հաստատում են ինչպես Կարմիր Խաչի ներկայացուցիչները, այնպես էլ մասնագետները, որոնք դեպքի ենթադրյալ վայրից անհրաժեշտ նմուշներ են վերցրել։

«Սիրիայում քիմիական զենք արտադրող ֆաբրիկաները ահաբեկիչներին են պատկանում։ Թունավորող նյութերը մենակ իրենց ձեռքում էին», — ասել է պատգամավորը։

Ըստ քաղաքական գործչի` եթե որոշվի մասնագետների խումբ ուղղարկել Սիրիա` Դումա քաղաքում սիրիական հարձակման մասին ճշմարտությունը պարզելու համար, ապա Դամասկոսը պատրաստ է տրամադրել բոլոր անհրաժեշտ պայմաններն ու հնարավորությունները։

Մոսկվայում ավելի վաղ նշում էին, որ պատրաստ են հարվածել Սիրիայի կողմ ուղղված հրթիռներին։ Դոնալդ Թրամփն այդ կապակցությամբ կոչ է արել Ռուսաստանին «պատրաստվել» «լավ, նոր, խելացի» հրթիռների հարձակմանը։

Գլխավոր թեմաներ