03:55 18 հունիսի 2018
Ուղիղ եթեր
  • USD482.68
  • GBP641.14
  • EUR560.05
  • RUB7.69
Մարգարիտա Սիմոնյան

Որքան նրանք մեզ խոչընդոտում են, այնքան մեր լսարանն աճում է. Սիմոնյան

© Sputnik / Евгений Биятов
Աշխարհ
Ստանալ կարճ հղումը
4630

Մարգարիտա Սիմոնյանը ներկայացրել է, թե ինչպես են RT և Sputnik լրատվական գործակալությունները բարգավաճել բազմաթիվ արգելքների ֆոնին և կարողացել նոր լսարաններ նվաճել։

ԵՐԵՎԱՆ, 13 ապրիլի — Sputnik. RT հեռուստաալիքի լսարանն ավելացել է մեկ երրորդով այն ընթացքում, երբ Արևմուտքը պայքարում է ռուսական լրատվական գործակալության դեմ։ Այս մասին գործակալության գլխավոր խմբագիր Մարգարիտա Սիմոնյանն ասել է «Զվեզդա» հեռուստաալիքի եթերում։

«Վերջերս ստացել ենք ուսումնասիրության հերթական թվերը։ Արդյունքները խոսում են այն մասին, որ այն ժամանակահատվածում, երբ նրանք մեզ խոչընդոտում են… քանի դեռ մեր դեմ պայքարում է «ճշմարտախոս, ազատասեր» աշխարհը, մեր լսարանն այդ աշխարհում մեկ երրորդով ավելացել է», – ասել է Սիմոնյանը։

Խմբագիրը նաև ասել է, որ RT–ն հումորով է վերաբերում այն հանգամանքին, որ նրան ԱՄՆ–ում արտասահմանյան գործակալի կարգավիճակ են շնորհել։ Այժմ հեռուստաալիքի բոլոր ստենդների վրա տարբեր միջոցառումների ժամանակ «միջազգային տեղեկատվական ալիքի» փոխարեն մեծ տառերով «արտասահմանյան գործակալ» է գրված։

«Մենք հումորով մարդիկ ենք, մենք ցանկացած կարգավիճակ վերածում ենք թրոլինգի նրանց համար, ովքեր մեզ այդ կարգավիճակը տվել են։ Հումորի ենք վերածում։ Այլ կերպ հնարավոր չէ։ Ինչ է խեղճ դեմքերով պետք է քայլենք և լացենք։ Չենք անելու», – RT–ն մեջբերում է նրա խոսքերը։

ԱՄՆ արդարադատության նախարարությունը դեռ անցյալ տարվա նոյեմբերին RT America հեռուստաալիքի արտասահմանյան գործակալների ցանկում ներառել է նաև Sputnik գործընկեր ընկերությանը` Reston Translator–ին, որն Ամերիկայում հեռարձակում է Sputnik–ի ծրագրերը։ ԱՄՆ արդարադատության նախարարությունը RIA Global ընկերությանը, որը Sputnik գործակալության համար կոնտենտ արտադրող է, գրանցել է որպես արտասահմանյան գործակալ։

Մարտին հայտնի դարձավ, որ պրովայդեր ընկերությունը, որը Վաշինգտոնում հեռարձակում էր RT–ի եթերը, ԶԼՄ–ն հանել է հեռարձակման ցանցից արտասահմանյան գործակալի իր կարգավիճակի պատճառով։ Ավելի ուշ Սիմոնյանը հայտնել էր, որ ալիքը կշարունակի հեռարձակվել այլ հարթակներում։

Որպես պատասխան միջոց, Ռուսաստանում օրենք է ընդունվել, որի համաձայն օտարերկրյա ԶԼՄ–ները կարող են արտասահմանյան գործակալ ճանաչվել, եթե նրանց ֆինանսավորումն իրականացվում է արտերկրից։

Ավելի վաղ հայտնում էին, որ Ipsos ընկերության ուսումնասիրության համաձայն` RT հեռուստաալիքի լսարանը ամեն շաբաթ վերջին երկու տարվա ընթացքում աճել է ավելի քան մեկ երրորով. այսօրվա դրությամբ RT հեռուստաալիքն ամեն շաբաթ 100 մլն մարդ է դիտում 47 երկրում։

Ըստ թեմայի

HighlyLiklyRussia–ն համարժեք պատասխան կտա. Սիմոնյանը` RT–ի աշխատանքը սահմանափակելու մասին
Մարգարիտա Սիմոնյանը մեկնաբանել է RT-ի և Sputnik-ի դեմ ԱՄՆ-ի նախաձեռնած պայքարը
Մարգարիտա Սիմոնյանը սահմռկեցուցիչ լուսանկար է հրապարակել Մոսուլից (18+)

Գլխավոր թեմաներ