ԵՐԵՎԱՆ, 16 ապրիլի — Sputnik. Ամերիկահայ գործարար Ալեքսիս Օհանյանը Instagram–ի իր էջում հուզիչ պատմությամբ լուսանկար է հրապարակել։
Լուսանկարում Օհանյանը հոր հետ կանգնած է նոր Ford Mustang ավտոմեքենայի մոտ։
Հոգատար որդին այդ կերպ որոշել է նվեր մատուցել իր սիրելի հորը` Քրիս Օհանյանին։
«Հայրիկ, անակնկալ։ Սա քո մանկություն երազանքի մեքենան է։ 1966թ–ի մուսթանգ», – լուսանկարի տակ գրել է Օհանյանը։
Պարզվում է, որ 1966թ–ի Ford Mustang Shelby GT350H–ը եղել է ապագա ինտերնետային մագնատի հոր անիրագործելի երազանքը։ Ալեքսիսի շատ բաժանորդներ գրել են, որ նա հիանալի որդի է ։
Ալեքսիս Օհանյանը ծնվել է 1983թ–ի ապրիլի 24–ին Բրուկլինում։ Վաղ տարիքից նա հետաքրքրվել է վեբ դիզայնով և ծրագրավորմամբ։
