15:48 09 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Աշխարհ
Ստանալ կարճ հղումը
7510

Կաննի 71–րդ կինոփառատոնի կազմակերպիչները հրապարակել են ժյուրիի ամբողջական կազմը։ Այն կգլխավորի ավստրալիացի կինոաստղ Քեյթ Բլանշետը։

ԵՐԵՎԱՆ, 18 ապրիլի — Sputnik. Ֆրանսիահայ կինոռեժիսոր, սցենարիստ և պրոդյուսեր Ռոբեր Գեդիկյանը ներառվել է Կաննի 71–րդ կինոփառատոնի ժյուրիի կազմում։ Այդ մասին հաղորդվում է փառատոնի պաշտոնական կայքում։

«Մարսելում մեծացած Ռոբեր Գեդիկյանը գրավել է քննադատների ուշադրությունը դեռ 80–ականներին։ Սակայն նրան մեծ հաջողություն է բերել «Մարիուս և Ժանետ» ֆիլմը», – ասվում է հաղորդագրությունում։

Նրանից բացի ժյուրիի կազմում ընդգրկվել են ֆրանսիացի դերասանուհի Լեա Սեյդուն, ռուս կինոռեժիսոր Անդրեյ Զվյագինցևը, կանադացի ռեժիսոր Դենի Վիլնևը, ամերիկյան դերասանուհի Քրիստեն Ստյուարտը, չինացի դերասան Չանգ Չենը, Բուրունդիից երգչուհի Հաջա Նին և ամերիկյան սցենարիստ Ավա Դյուվերնեյը։

Ժյուրին գլխավորում է հայտնի ավստրալիացի դերասանուհի Քեյթ Բլանշետը։

Նշվում է, որ ժյուրի կազմում ներառվել են հինգ կին և չորս տղամարդ, որոնք ներկայացնում են յոթ երկրներ և հինգ մայրցամաքներ։

Այս տարի Կաննի կինոփառատոնը տեղի կունենա մայիսի 8-19–ը։

Ըստ թեմայի

Հայոց ցեղասպանության մասին տեսահոլովակը կմասնակցի Կաննի կինոփառատոնին
Կաննի փառատոնի ամփոփումը՝ Sputnik Արմենիայի աչքերով
Կաննի 70-րդ փառատոնը՝ Sputnik Արմենիայի դիտակետում

Գլխավոր թեմաներ