ԵՐԵՎԱՆ, 23 ապրիլի — Sputnik. Ամերիկահայ գործարար Ալեքսիս Օհանյանը Instagram–ի իր էջում լուսանկար է հրապարակել, որը նա արել է Երևանում գտնվող ԹՈՒՄՈ ստեղծարար տեխնոլոգիաների կենտրոնում։
«Զարմանալի տեսարան Երևան իմ վերջին այցելությունից` ԹՈՒՄՈ–ի նոր սերնդի վարպետները։ Այս նույն երիտասարդությունը երեք տարի անց խաղաղ ցույց է կազմակերպում», – գրել է Օհանյանը։
Նա հույս է հայտնել, որ իր հայ եղբայրներն ու քույրերը անվտանգության մեջ կլինեն։ Օհանյանն ավելացրել է նաև, որ անհամբեր սպասում է այս ամառ իր Հայաստան այցին։
Գրառմանն աջակցել են Օհանյանի բաժանորդները։ 9 ժամվա ընթացքում այն ավելի քան 3.5 հազար «լայք» է ստացել։
Ալեքսիս Օհանյանը ծնվել է 1983 թվականի ապրիլի 24-ին Բրուքլինում (Նյու Յորք)։ Վաղ տարիքից նա իր կյանքը կապել է վեբ-դիզայնի և ծրագրավորման աշխարհի հետ։
