17:38 22 մայիսի 2018
Ուղիղ եթեր
Քնեսեթ

Քնեսեթում կքննարկվի Հայոց ցեղասպանությունը ճանաչելու օրինագիծը

© Sputnik / Рамиль Ситдиков
Աշխարհ
Ստանալ կարճ հղումը
123 0 0

Իսրայելի խորհրդարանի պատգամավորը նշել է, որ ցեղասպանությունը պատմական փաստ է, որը տասնյակ երկրներ են ճանաչել։

ԵՐԵՎԱՆ, 16 մայիսի — Sputnik. Իսրայելցի պատգամավոր Իցիկ Շմուլին Իսրայելի խորհրդարանի քննարկմանն է ներկայացրել Հայոց ցեղասպանությունը ճանաչելու մասին օրինագիծը։ Այդ մասին հայտնում է MIGnews.com-ը։

Խորհրդարանականն ընդգծել է, որ Իսրայելը մինչև օրս խուսափել է Օսմանյան կայսրությունում Հայոց ցեղասպանության ճանաչումից։ Միաժամանակ, ինչպես նշել է Շմուլին, Հայոց ցեղասպանությունը պատմական փաստ է, որը ճանաչել են աշխարհի 29 պետություններ։

«Մենք պատրաստ չենք բարոյական խրատներ ու հակասեմիտական օրհներգեր ընդունել Թուրքիայից, որն ամեն օր հազարավոր քրդերի է ռմբակոծում Սիրիայում և միաժամանակ պատասխանատվություն կրում Հայոց ցեղասպանության և այն գազանությունների համար, որոնք թուրքերն արել են ազգային փոքրամասնությունների հետ իրենց ամբողջ պատմության ընթացքում։ Մենք կարծում ենք, որ հիմա այդ փաստերը ճանաչելու ժամանակն է, և եթե մենք ցանկանում ենք կանխել նման արարքների կրկնությունը, ապա ժամանակն է, որ Քնեսեթն անի այն, ինչ արդեն արել են աշխարհի շատ խորհրդարանականներ», — ասել է Շմուլին գործակալությունը։

Հայտնի է, որ նման օրինագիծ էր պատրաստվում ներկայացնել Քնեսեթի պատգամավոր Ամիր Օհանան («Լիկուդ»)։

«Երբեք ուշ չէ վերականգնել արդարությունը։ Ժամանակն է ճանաչել, որ հայ ժողովրդի նկատմամբ կատարվել է հրեշավոր չարագործություն», — ասել է Օհանան։

Նշենք, որ օրինագիծը ներկայացվել է խորհրդարանում թուրք-իսրայելական հարաբերությունների սրման ֆոնին։

Գլխավոր թեմաներ