17:53 22 մայիսի 2018
Ուղիղ եթեր
Շանհայ

ԵԱՏՄ–ն ու Չինաստանն առևտրատնտեսական համագործակցության մասին համաձայնագիր են կնքել

© Sputnik / Александр Вильф
Աշխարհ
Ստանալ կարճ հղումը
7310

Եվրասիական տնտեսական միությունն ու Չինաստանը առևտրա–տնտեսական համագործակցության մասին համաձայնագիր են կնքել։

ԵՐԵՎԱՆ, 17 մայիսի — Sputnik. Եվրասիական տնտեսական միության ու Չինաստանի առևտրա–տնտեսական համագործակցության մասին համաձայնագիրը ստորագրվեց Աստանայի տնտեսական ֆորումի ժամանակ, որն ընթանում է այսօր Ղազախստանի մայրաքաղաքում։ Այս մասին հայտնում է ՌԻԱ Նովոտսին։

Չինաստանն ու ԵԱՏՄ–ն երկու տարի շարունակ ակտիվորեն բանակցում էին համագործակցության մասին համաձայնագրի թեմայով։ Համաձայնագիրը տարբեր ոլորտներում կարգավորման բարձր ստանդարտներ է սահմանում։ Այդ թվում` մտավոր սեփականության իրավունքի պաշտպանության թեմայով։

«Համաձայնագիրը ոչ արտոնյալ բնույթ է կրում ու տուրքերի նվազեցում չի ենթադրում», – հայտնել է Ղազախստանի ազգային տնտեսության նախարար Տիմուր Սուլեյմենովը։

ԵԱՏՄ — Չինաստան առևտրատնտեսական համաձայնագրի ստորագրման մասին ֆեյսբուքյան իր էջի միջոցով տեղեկացրել է նաև փոխվարչապետ Տիգրան Ավինյանը։

«Այսօր կնքվեց նաև ԵԱՏՄ — Չինաստան առևտրատնտեսական համաձայնագիրը։

Հիմնական բանակցող, նախարար Ֆու Ցզիինի հետ առանձնազրույցում քննարկեցինք երկկողմ տնտեսական հարաբերություններին վերաբերող հարցեր, ներառյալ՝ Հյուսիս-Հարավ ճանապարհի շինարարությունը, Հայաստան — Եվրամիություն համապարփակ և ընդլայնված գործընկերության համաձայնագիրը և դրանից բխող հնարավորությունները։ Պայմանավորվեցինք քննարկումները շարունակել Պեկինում միջկառավարական հանձնաժողովի շրջանակներում»,–գրել է նա։

2017 թվականի հոկտեմբերի 1–ին Չինաստանի կոմերցիայի նախարար Ճուն Շանն ու (ԵԱՏՀ) առևտրի հարցերով Կոլեգիայի անդամ (նախարար) Վերոնիկա Նիկիշինան համատեղ հայտարարություն են ստորագրել` Չինաստանի ու ԵԱՏՄ–ի համագործակցության վերաբերյալ բանակցությունների ավարտի մասին։

Ավելի վաղ` ԵՏՀ կոլեգիայի նախագահ Տիգրան Սարգսյանը հայտնել էր ԵԱՏՄ–ի ու Իրանի միջև ազատ տնտեսական գոտու ժամանակավոր համաձայնագրի ստորագրման մասին։ Սարգսյանը պարզաբանել է, որ ժամանակավոր համաձայնագիրը երեք տարով է կնքվում։

Այդ ընթացքում կողմերը պետք է ազատ տնտեսական գոտու լիածավալ համաձայնագրի մասին պայմանավորվածություն ձեռք բերեն։ Համաձայնագրի իրականացումը թույլ կտա զգալիորեն մեծացնել փոխադարձ առևտրի ծավալները, որը նախորդ տարի 2,7 միլիարդ դոլար է կազմել։

Հայաստանի պատվիրակությունը մայիսի 16–ին եռօրյա աշխատանքային այցով Աստանա է մեկնել։ Փոխվարչապետ Տիգրան Ավինյանի հետ Աստանա է մեկնել նաև ԱՊՀ վարչության պետ Արմեն Ղևոնդյանը։

Ըստ թեմայի

Սա նոր հնարավորություն է արտադրողների համար. Ավինյանը` ԵԱՏՄ - Իրան համաձայնագրի մասին
Ոսկանյան. «Հայաստանի սահմանը դառնում է ԵԱՏՄ–Իրան ընդհանուր սահման»
Կապիտալ ծախսեր` համապատասխան արդյունքներ. ի՞նչ կտա Հայաստանին Իրան - ԵԱՏՄ համաձայնագիրը
Սարգսյանն ասել է` երբ պատրաստ կլինի ԵԱՏՄ–ում ինտեգրացիայի խորացման վերաբերյալ փաստաթուղթը

Գլխավոր թեմաներ