13:34 22 հունիսի 2018
Ուղիղ եթեր
  • USD482.20
  • GBP632.02
  • EUR555.40
  • RUB7.55
Մայրուղի

Խոշորագույն ավտոկոնցեռնը 1 միլիոն եվրո տուգանք կվճարի

CC BY-SA 2.0 / Thorsten / Autobahn
Աշխարհ
Ստանալ կարճ հղումը
64 0 0

Դիզելային սկանդալը շարունակում է թանկ նստել աշխարհի խոշորագույն ավտոկոնցեռնի վրա

ԵՐԵՎԱՆ, 14 Հունիս — Sputnik. Գերմանական Բրաունշվեյգ քաղաքի դատախազությունը, հետաքննել է այսպես կոչված «դիզելային սկանդալը» և տուգանել Ֆոլկսվագեն կոնցեռնին 1 միլիոն եվրոյով։ Այս մասին տեղեկացնում են, կոնցեռնից, հավելելով, որ իրենք ընդունել են մեղքը և պատրաստ են վճարել տուգանքը։

Բանն այն է, որ ավտոընկերության դիզելային շարժիչների թունավոր արտանետումների չափը բարձր է եղել նորմայից։

Դատախազությունում եկել են այն եզրակացության, որ ընկերությունը մեքենաների զննման ընթացքի ապահովման խախտումներ է թույլ տվել, որի հետևանքով դիզելային անթույլատրելի մեխանիզմ ունեցող շարժիչով 10 միլիոն մեքենա է հանվել շուկա։

Խոշորագույն ավտոկոնցեռնում հույս ունեն, որ տուգանքը վճարելուց հետո «դիզելային սկանդալի» հետաքննությունը կավարտվի։

Հիշեցնենք, որ Ֆոլկսվագենի շուրջ սկանդալն սկսվել է 2015 թվականին. այդ ժամանակ պարզվել էր, որ կոնցեռնի արտադրած դիզելային շարժիչով մեքենաների էլեկտրոնային համակարգի կարգավորումներն այնպես էին արվել, որ սովորական թեսթի ժամանակ սարքավորումները թունավոր արտանետումների չափը ցույց էին տալիս  իրականից մի քանի տասնյակ անգամ ավելի քիչ։ Այս կարգի մեքենաներ կոնցեռնի գործարաններից դուրս են եկել 2008-2015թթ.–ի ընթացքում և վաճառվել ԱՄՆ և եվրոպական շուկաներում։ Ըստ ավտոկոնցեռնի նախորդ տրի տարածած մամլո հաղորդագրության` 2017 թ.–ին ընկերությունն արդեն 2,5 միլիարդ եվրո է ծախսել սկանդալի հետևանքները վերացնելու համար։

Գլխավոր թեմաներ