ԵՐԵՎԱՆ, 17 հունիսի — Sputnik. Գնացքի վթարի հետևանքով մեկ անչափահաս է մահացել, ևս 3 մարդ` տարբեր վնասվածքներով, տեղափոխվել են հիվանդանոց, տեղեկացնում է ՌԻԱ Նովոստին` հղում անելով Ղազախստանի ԱԻՆ ծառայության հաղորդագրությանը։
«20 վագոնանի գնացքի 6 վագոնը պոկվել և դուրս են եկել ռելսերից, դրանցից 3–ը շուռ են եկել։ Այս պահին մեր ունեցած ինֆորմացիան այսքանն է։ Գիտենք նաև, որ 4 մարդ տուժել է, նրանցից մեկը` մի անչափահաս երեխա, մահացել է, 3–ին տեղափոխել են հիվանդանոց»,–ասված է հաղորդագրության մեջ։
Մնացած ուղևորներին մյուս գծով տեղափոխել են այլ կայարան։