ԵՐԵՎԱՆ, 18 հունիսի — Sputnik. Մեքսիկայում երկրաշարժ է տեղի ունեցել այդ երկրի ազգային հավաքականի և Գերմանիայի հավաքականի միջև ֆուտբոլի աշխարհի առաջնությանը տեղի ունեցած խաղի ժամանակ, հայտնում է ՌԻԱ Նովոստին։
Սեյսմոլոգները նշում են, որ երկրաշարժը արհեստական բնույթ էր կրում, այն արձանագրվել էր հենց այն պահին, երբ մեքսիկացիները գոլ են խփել։
«Հավանաբար, Մունդիալին Մեքսիկայի հավաքականի գոլի ժամանակ զանգվածային ցատկոտումների պատճառով է եղել», – պարզաբանում է SIMMSA–ն։
Առնվազն, երկու ընդունիչ սարքեր քաղաքում ցնցումն արձանագրել են 11–անց 32 րոպեին։
Մեքսիկացի սեյսմոլոգների տվյալները հաստատում են Չիլիից իրենց գործընկերները։
Հիշեցնենք, որ խաղն ավարտվել է Մեքսիկայի հավաքականի հաղթանակով` 1:0 հաշվով։
2018 թվականի ֆուտբոլի աշխարհի առաջնությունը մեկնարկել է Ռուսաստանում հունիսի 14-ին և կտևի մինչև հուլիսի 15-ը, մրցաշարերն անցկացվելու են 11 քաղաքի 12 մարզադաշտերում։
Խաղերն անցկացվելու են Մոսկվայում, Սանկտ Պետերբուրգում, Կազանում, Սոչիում, Եկատերինբուրգում, Կալինինգրադում, Սամարայում, Սարանսկում, Դոնի Ռոստովում, Վոլգոգրադում։ Բացման խաղը տեղի կունենա հունիսի 14-ին` Մոսկվայի «Լուժնիկի» մարզադաշտում։ Առաջնության եզրափակիչ խաղը նույնպես կանցկացվի «Լուժնիկի» մարզադաշտում հուլիսի 15-ին։