ԵՐԵՎԱՆ, 11 հուլիսի — Sputnik. Ճապոնիայում առատ տեղումների և ջրհեղեղի զոհ են դարձել արդեն ավելի քան 170 մարդ, միլիոնավոր մարդիկ տարհանվել են։ Այս մասին հայտնում է ՌԻԱ Նովոստին։
«Այս պահի դրությամբ մահացել են 176 մարդ, սրտի կանգ է ախտորոշվել երեք մարդու մոտ, անհետ կորած են համարվում (պաշտոնապես) 9 մարդ», — Տոկիոյում հրավիրված ասուլիսի ժամանակ ասել է Ճապոնիայի կառավարության գլխավոր քարտուղար Յոսիհիդե Սուգան։
Նրա խոսքով` աղետի վայրում այժմ աշխատում են ինքնապաշտպանական ուժերի, ոստիկանության և հրշեջ ծառայության 75 հազար աշխատակից։ Գործի են դրել 83 ուղղաթիռ։
Աղետի պատճառով երկրի վարչապետ Սինձո Աբեն հետաձգել է արտասահմանյան այցը։
Որոշ պարբերականներ հայտնու են, որ փրկարարական գործությունների ընթացքում աղետի գոտուց ավելի քան 6 մլն մարդ է տարհանվել։
Ճապոնիայում հորդառատ անձրևները սկսվել են Պրապիրուն թայֆունի ազդեցության ներքո։ Հորդառատ անձրևների պատճառով հեղեղվել են Կիոտոյի, Օկայամայի և Հիրոսիմայի պրեֆեկտուրաները։