ԵՐԵՎԱՆ, 11 հուլիսի — Sputnik. Այսօր Միացյալ Թագավորության Համայնքների պալատը հավանություն է տվել Հայաստան-Եվրամիություն Համապարփակ և ընդլայնված գործընկերության համաձայնագրին: Հետո այն փոխանցեվել է Լորդերի պալատ՝ վերջնական վավերացման:
Այս մասին թվիթերյան իր էջի միջոցով տեղեկացնում է ՀՀ ԱԳՆ մամուլի պոսնակՏիգրան Բալայանը՝ հղում անելով Միացյալ թագավորությունում ՀՀ դեսպանատան էջին:
Լոնդոնում ՀՀ դեսպանությունը տեղեկացնում է, որ այսօր ՄԹ Համայնքների պալատը այսօր հավանություն է տվել #Հայաստան- #Եվրամիություն ՀԸԳՀ-ին (#CEPA)՝ այն փոխանցելով Լորդերի պալատ՝ վերջնական վավերացման։ https://t.co/ujQWE0uFYE
— Tigran Balayan (@tbalayan) 11 июля 2018 г.
Հիշեցնենք, որ համաձայնագիրն արդեն վավերացվել է Լատվիայի, Լիտվայի, Էստոնիայի, Բուլղարիայի, Լեհաստանի, Լյուքսեմբուրգի կողմից:
Ապրիլի 11-ին այն միաձայն վավերացրել է նաև ՀՀ Ազգային ժողովը: